Tekang Kbuten 50:18 - Udél Dwata: Gna Kesfasad ne Lomi Kesfasad

¹⁸ Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Tekang Kbuten 50:18 Iomraidhean Croise

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

Tekang Kbuten 44:14

Timbow le gefet bè gónô Jusif le Juda ne yó kem dumun setwoli, tolo nô bè yó Jusif. Gotu le hegluduk bè soluhen.

Tekang Kbuten 45:3

Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

Tekang Kbuten 50:17

wen tinoken béléem, yó udélen, monen, ‘Ó Jusif, béem bud snolò ne yóm tey sidek tehe nmò le béléem yó kem twoguhem.’ Ne ni udél me ebéléem, hol hnifótem mi bè yóm tey sidek deng nmò me béléem, mi kem tóbóng lówó Dwata yóm Dwata tehe maem.” Botong mkik Jusif bè yóm kungolen du yóm udél hwit le yó.

Tekang Kbuten 50:19

Okóm yó balà Jusif kul, monen, “Hol bê ye abay hlikò. Là kô gbeku temgna ke Dwata.