Tekang Kbuten 50:17 - Udél Dwata: Gna Kesfasad ne Lomi Kesfasad

¹⁷ wen tinoken béléem, yó udélen, monen, ‘Ó Jusif, béem bud snolò ne yóm tey sidek tehe nmò le béléem yó kem twoguhem.’ Ne ni udél me ebéléem, hol hnifótem mi bè yóm tey sidek deng nmò me béléem, mi kem tóbóng lówó Dwata yóm Dwata tehe maem.” Botong mkik Jusif bè yóm kungolen du yóm udél hwit le yó.

Tekang Kbuten 50:17 Iomraidhean Croise

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 45:8

Yó gónóm mon, là kô yu du yóm hógów dou edini, kaem Dwata. Deng henbalingen ou mò geta bè yó kem genlal Faro. Ou se snaligen bè klamang yóm benwu nogoten ne ou se gubérnor bè klamang Idyip.

Tekang Kbuten 49:25

Yóm Dwata gel tmóbóng kóm Jusif, yó se kun Dwata maem, yóm Dwata laen dù là gbeken du, du se yóm gel tmóbóng kóm. Yó tóbóngen kóm, gel hkulónen gu tta gu bè longit ne gel hetbulen yó kem él laan tonok. Tey kehbólen du yó kem ógófem, dalang se yó kem ngaem.

Tekang Kbuten 50:16

Yó gónó le hemwit udél ebè Jusif, mon le, “Gu laanen là deng matay mà,

Tekang Kbuten 50:18

Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Tekang Kbuten 50:20

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Kem Lingón 21:11

Baluen ke wen sidek atul le etahem, laen kô gónón e kól yóm atul le yó.

Kem Udél Hlalak Tehe Selumun 28:13

Yóm tau limengen salaen laen kô tul kehyu klowilen, okóm yóm tau tódô benkasen bè Dwata yóm salaen ne knogolen, tódô hnifót Dwata.

Matyu 10:42

Tódô tulónu kuy ktahuhen, baluen he ke tek olon él tnaw hinum ye yóm sotu tau gel lemolò do, yóm tau alì glaan bè kdéen, abay se dilô ye yóm kloloen do, angat dohò wen ofol blay Dwata kuy.”

Matyu 18:35

Bud mon Jisas, “Lómón sem ni ne angat nmò Mà bè longit bélê ye ket kuy ne sotu ke là tahu hnifót ye yó kem dumu ye gemsalà bélê ye.”

Matyu 25:40

Angat bnalaen se lu yóm Tau Hol Geta, monen, ‘Tódô tulónu kuy ktahuhen, yó se deng nmò ye bè yó kem dumuhu setwoli alì gdanà, lómón ke béléu gónó ye mò du yóm yó.’

Matyu 6:12

Hol hnifótem kum kem salà me, lómón yóm gel kehlifót me yó kem tau gemsalà bélê me.

Mark 10:41

Timbow gungol yó kem sfolò tau gel dumu le lemolò ke Jisas yóm tô hni le Jim ne Jan, ya tey sidek kebut le kul.

Glasya 6:10

Yó gónóm mon, ke wen lan tekuy tmóbóng kem dumu tekuy, hol tnóbóng tekuy lu, sélétem mon bè yóm hol dumu tekuy hemtahu.

Glasya 6:16

Yó kem tau lemolò du yóm monu yó koni, Dwata he hol tendo henek nawa le ne hol kmodu kul. Là olon lu du, yake gotu le gomong lemen snéen kul kdê yó kem kun tau Dwata.

Ifisus 4:32

Yó tles nmò ye dé yóm kehyu kmò ye ebè kem dumu ye, ne yóm keskodu ye. Hol ye gel mahil seflifót, lómón yóm tehe kehlifót Dwata yóm kuy salà hlanen bè Krays.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.