Tekang Kbuten 50:11 - Udél Dwata: Gna Kesfasad ne Lomi Kesfasad

¹¹ Timbow ton yó kem tau bè Kanan yóm kodung le bè Atad yó, botong mon le, “Tey klangag le du yóm tau matay bélê le yó kem tau Idyip yóó.” Yó gónó le hlós moluy du Abél Misraim yóm benwu yó.Tódô gotu nmò yó kem ngà Jakub yóm tehe mon mà le mò kul.

Tekang Kbuten 50:11 Iomraidhean Croise

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Tekang Kbuten 24:6

Yó balà Abraham du, monen, “Hol béem abay nwit dou etu yóm ngau.

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Tekang Kbuten 50:10

Tikóng le kól bè yóm gónó le gel kmusu yó kem tau bè Atad, sotu benwu fi dmata kdaw él Jurdan na le na bud nodung bè yó Jakub. Botong hitu kdaw Jusif na bud modung du.

Tekang Kbuten 50:12

Tódô gotu nmò yó kem ngà Jakub yóm tehe mon mà le mò kul.

1 Samwél 6:18

Senged snéen yóm limu kem ungé nmò le bè tahu blówón, bud lemwót bè yóm limu kem syudad nogot yó kem Flistin, gomong yó kem benwu lemnek snakuf le. Yóm botu bong nô bè uma Juswa bè Bit-sémés, yóm gónó le hemyón yóm Slungan Dwata, sana knóen bè yó efet nim kmoen ni mò fen temksì du nim nmò le ni.