Tekang Kbuten 5:29 - Udél Dwata: Gna Kesfasad ne Lomi Kesfasad

²⁹ ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.

Tekang Kbuten 5:29 Iomraidhean Croise

Tekang Kbuten 5:28

Timbow deng 182 halay Lamik, wen ngaen logi

Tekang Kbuten 5:30

Kogolen bè yó, bud metnù 595 halay Lamik. Lem yó kem halay yó bud wen kem dumu ngaen.

Tekang Kbuten 7:23

Gotu genlà Dwata kdéen mowil talak tonok, kdéen tau ne kdéen ógóf ne kdéen onuk koyu. Tek són Nuwa dù tebel ne yó kem mung du elem yóm kafalen.

Tekang Kbuten 9:24

Timbow deng lembó klengel Nuwa ne tngónen yóm nmò Ham béléen, yóm ngaen twoli,

Isaya 54:9

“Bè yóm tehe kun kdaw Nuwa ekni, yó fasadu du là bud hdunuku du ne elem benwu. Ne ni kmoen ni, wen se fasadu kuy, duhen yóm là bud kebutu kuy. Là bud nudélu kuy ne là bud tnafaku kuy.

Matyu 24:37

Gu laanen là deng semfulék he yóm Ngà Tau, yó angat nmò yó kem tau te tonok, hol mkél bè yóm tehe kun kdaw Nuwa ekni.

Kun Snulat Luk 3:36

Yóm Sila, ngà Kinan. Yóm Kinan, ngà Arfasad. Yóm Arfasad, ngà Sém. Yóm Sém, ngà Nuwa. Yóm Nuwa, ngà Lamik.

Sulat Pol Ebè Yó Kem Tau Hemtahu Bè Rom 8:20

Tehe yu ekni, gotu gomong megtafak kentihen deng dlimun Dwata. Là kóen lemwót bè kul kóyô yóm kegtafak le, okóm yó se kun kehlan du Dwata. Bede wen hendón nangat le.

Hibru 11:7

Senged se ke tehe Nuwa ekni. Lemwót bè kehtahuhen gónón tódô mimón du yóm eles hetgama Dwata du bè yóm sut bélê le, balù yóm là deng ktonen du. Tódô nimónen Dwata, duhen yóm kmoen kafal bong mò gónó le nô yó kem fes lówóhen anì là matay le. Yó uléken yóm kimónen yó, gotu le megtuled yó kem dumu tau là hemtahu le. Bong ke Nuwa, tedeng kton Dwata du lemwót bè yóm kehtahuhen béléen.

1 Pitér 3:20

Yó kem lóyóf heblanggù Dwata yó, lóyóf tu kem tau là mimón ke Dwata bè yóm tehe kun kdaw Nuwa. Tey tehe khanay Dwata nawahen bélê le tu kem tau tu, tô hatanen kimón le efet kdeng yóm kafal bong nmò Nuwa. Ewenem, tek wolu tau husek elemen ne gewà gu lem yóm tey él.

2 Pitér 2:5

Dalang se yó kem tau gnan bè yóm tehe kun kdaw Nuwa ekni, tey kegsalà le. Bede là kô tódô bayà Dwata du kul yóm kegsalà le yó. Yó tafaken kul tódô gotu hlumfaken elem benwu le yóm tey dunuk él, ne gotu le meglà. Són Nuwa là matayen, ne yó kem hitu fes lówóhen. Gu laanen là deng sut yóm dunuk, tódô henlel Nuwa tmolok yó kem tau anì hentedeng le kmò le.