Tekang Kbuten 5:24 - Udél Dwata: Gna Kesfasad ne Lomi Kesfasad

²⁴ Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

Tekang Kbuten 5:24 Iomraidhean Croise

Tekang Kbuten 24:40

Yó balaen du, monen, ‘Dwata he yó, yóm Dwata tendo nimónu, wen hógówen gu bè longit eles hmungen kóm, ne htonen kóm yóm nógówem. Angat wen libun tonem mò yehen yóm ngau bè yó kem kun kwen yóm tehe mà.

Tekang Kbuten 37:30

Ominen semfulék ebè yó kem twolihen ne monen mò kul, “Là bud tonu du yóm ngà. Tedu se tô nmou ni du?”

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Tekang Kbuten 5:23

Yó kegen Inuk mowil, 365 halay.

Tekang Kbuten 5:25

Timbow deng 187 halay Mitusila, wen ngaen logi. Yó boluyen du Lamik.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

2 Bok Kem Tau Hol Geta 2:1

Bè yóm kdaw kehbatun Dwata ke Ilaydya ebè longit hlanen bè klifus bong, slomong le mógów gu bè Gilgal Ilaydya lewu le Ilaysa.

2 Bok Kem Tau Hol Geta 2:10

Yó bud mon Ilaydya mò du, “Tey mgel yóm hnihem béléu yó. Song gónóm gmuta du nim hnihem ni ke tonem yóm kwit Dwata do. Okóm ke là tonem du, là se gutahem du.”

2 Bok Kem Tau Hol Geta 2:11

Bè yóm igò le stulón mógów, tódô sut lem blóng le yóm klitun tók hono ofi dyol yó kem kudà hono ofi kmò le. Tódô senkóhen lu yóm lewu le, ne tódô mung bè klifus bong Ilaydya mbatun etta ebè longit.

2 Bok Kem Tau Hol Geta 2:12

Bè yóm kton Ilaysa du yóm deng kbatun Ilaydya yó, botong lemangat, monen, “Ó Mà, ó Mà, tonu yó kem klitun tók yó kem tau Israél ne yó kem tau mit kudà demyol kul.” Okóm timbow lana lem matahen Ilaydya, botong kenséen bè gónón sóól yóm nes lafin ta gel leseken, botong ksidek kegnómen du.

Kem Lingón 49:15

Okóm béléu dou, angat lenwà Dwata ou, angat lenwaen ou lem hatay.

Kem Lingón 73:24

Yóm kesgalakem dou, sal gel mlan bè yóm gel kehlauhem dou. Bè yóm angat són klowilu, angat hegfanem yóm kadatem dou bè yóm khódóhem dou.

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Matyu 2:18

“Wen tey dmumu mkik bè yóm benwu boluyen Rama. Anì monem dnumu nkik Rakél kem ngaen ne là kô wen gembek mifa du, abay se, deng le gotu matay yó kem ngaen.”

Kun Snulat Luk 23:43

Bnalà Jisas se, monen, “Ni fasadu kóm, ditu béléu bè dou benwu bè longit gónóm e mefet nim kemdaw ni.”

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.

Sulat Jud 1:14

Tehe yu ekni, wen sotu tugod Dwata boluyen Inuk. Nim Inuk ni, hanà tek nem lugod he kewóten bè Adam. Wen tehe htugod Dwata du ekni gbak ebè yó kem tau sekban ktolok le yó, yó monen, “Ngem kól yóm gónó tekuy mogot ne mung du yó kem hilu libu hógówen gu bè longit.