Tekang Kbuten 5:22 - Udél Dwata: Gna Kesfasad ne Lomi Kesfasad

²² Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Tekang Kbuten 5:22 Iomraidhean Croise

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 24:40

Yó balaen du, monen, ‘Dwata he yó, yóm Dwata tendo nimónu, wen hógówen gu bè longit eles hmungen kóm, ne htonen kóm yóm nógówem. Angat wen libun tonem mò yehen yóm ngau bè yó kem kun kwen yóm tehe mà.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Tekang Kbuten 5:21

Timbow deng 65 halay Inuk, wen ngaen logi. Yó boluyen du Mitusila.

Tekang Kbuten 5:23

Yó kegen Inuk mowil, 365 halay.

Tekang Kbuten 5:24

Bè yóm klawihen mowil tey tilob kesetngón le Dwata, ominen tódô lana abay se tódô hbatun Dwata.

Tekang Kbuten 6:9

Ni se kun tutul Nuwa. Nim Nuwa ni, wen tlu ngaen logi. Yó boluy le Sém ne Ham ne Jafit. Bè yóm kun kdaw Nuwa, tek són du yóm tau tedeng kton Dwata du ne tau tey hyu kmoen. Tey tilob kesetngón le Dwata.

1 Bok Kem Tau Hol Geta 2:4

Ke hol nimónem nim ni, dnohò Dwata yóm tehe fasaden do, yóm kmonen du, ‘Ke hol lemwót lem but blutut le yóm klolò le do yó kem lugodem, senflósen wen bélê le myón kmamal bè Israél.’

2 Bok Kem Tau Hol Geta 20:3

monen, “Ó Dwata, hol hentulónem nawa yóm klawihu mowil, lemwót lem but blututu yóm klolou kóm ne yóm kmou du yó kem gónóm hligal.” Ne tódô btù dlumu Hisikaya.

Kem Lingón 116:9

Duhen ni, tolohe mowil, slomonge ke Dwata bè nim benwu gónó le nô kem tau tolo mowil.

Kem Lingón 128:1

Hligal le kul yó kem tau wen klikò le ke Dwata, yó kem tau gel mò du yó kem hloloen kul.

Kem Lingón 16:8

Eles gel hegnahu Dwata, ne tendo gel nô klohoku. Yó gónón là monol nawahu balù kihu sut béléu.

Kem Lingón 26:11

Okóm béléu, són lolou yóm tedeng. Hol lenwaem ou hlanem bè yóm kkoduhem dou.

Kem Lingón 56:13

Yakà deng lenwaem ou lem hatay, ne deng tnóbóngem ou anì là tlokobe. Duhen ni, elese tendo nô bè soluhem, Dwata, nóe bè yóm kóm layag tendo hlowil dou.

Kem Lingón 86:11

Tolokem dou, Dwata, yóm nóyô hmoem dou, anì galake bè yóm hol ktahuhen lemwót béléem. Tnóbóngem ou mimón kóm anì wen klikou kóm.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Amus 3:3

Gbek le slomong mógów kô yóm lewu kem tau ke là deng eles sentngón le du gna yóm gónó le e solu?

Mika 4:5

Baluen he ke hemtahu le bè yó kem dwata kéng yó kem benwu hmilol kum, okóm kum són Dwata yóm kum lolò ne laen kô dù tul sónen.

Mika 6:8

Là kem tau, là kóen na a hligal du. Deng tulón Dwata tekuy yóm hyu béléen. Yó hol nóyóen bélê tekuy ke nmò tekuy yóm tedeng ne ke hol tekuy hulung kmodu ne ke hol tekuy heglaan béléen. Là gomongen bè nili yóm bérs 9 kól bè bérs 16. Yó tulónen bè ni kem bérs ni yóm gotu bud klista Dwata salà yó kem kun tau. Tey wen kendengen le mlan bè gel ksukat le dumu le tau. Gel le tmimbang lemugì ne là tódóen ke wen bentes le, gel gnaga nwa le kimu kem dumu le ne tey dê he dumu nmò le là hyuhen. Lemwót bè yóm nmò le yó, yó gónó Dwata eles tmulón du kul yóm angat ksulék keglaen kul dalang se yóm benwu le.

Malakay 2:6

Gotu tulón le bè yó kem tau yóm ktahuhen lemwót béléu. Laen dù kéng nmò le. Tey tilob klolò le do, hono hyu ne hono tedeng yóm gel nmò le. Tey dê tau tnóbóng le anì knogol le yóm sidek.

Kun Snulat Luk 1:6

Tey tedeng kton Dwata kul yóm lewu le, ne tey gulit klolò le du yó kem hlau Dwata.

Kul Nmò 9:31

Kogolen bè yó, laen dù bud sembeweg kul ne yó kem tau hemtahu bè Jisas bè klamangen prubinsya Judiya ne Galili ne Samarya. Lemwót bè yóm któbóngen kul yóm Tulus Dwata, yó gónón hlós baling mbegel yóm kehtahu le, ne sónmoen tendo temnù tau hemtahu bè Jisas. Tey gel klikò le ke là nimón le yóm gónó le mogot.

Sulat Pol Ebè Yó Kem Tau Hemtahu Bè Rom 8:1

Yó gónóm mon, laen kô bud tafak Dwata kul ne yó kem tau deng ssotu bè Krays Jisas.

1 Kurin 7:17

Yóm ket sotu bélê tekuy, tódô henek bè yóm tehe sana kun kmò klowil snolu bè yóm tehe ktaba Dwata tekuy mò ngaen, yóm klowil tehe sigangen ta tekuy yóm gónó tekuy mogot. Nim monu ni, gel hlolou yó kem tau hemtahu bè ket benwu gónóhu gel tmolok snéen.

2 Kurin 6:16

Ne sotuhen, laen kô dù gónó le segmung yóm kun gónô Dwata ne yó kem dwata kéng. Kaem tekuy se yóm kun gónô gónóhen nô yóm Dwata laen dù tul katayen. Hol lómón yóm tehe mon Dwata ekni, yóm monen, “Angate tendo nô bélê le yó kem dou tau, ne hol lem blóng le gónóhu nô. Ne ou se baling hol kul Dwata, ne lu se baling hol dou tau.”

Ifisus 5:15

Duhen yó, hol gel tenngel ye kmò ye. Hol dnalang ye kmò yóm tau hulung hedem. Bê ye lolò kul kmò yó kem tau là hulungen hedem.

Dwata 13:4

Són Dwata hol lolò ye yóm sana Dwata hol kuy gónó mogot, mung du yóm klikò ye du. Hol nimón ye ne lolò ye yó kem deng hlauhen kuy. Tmaba ye ebéléen ne hol ye hteneb mimón du.

Dwata 28:9

Ke nimón ye yóm sana kuy Dwata hol gónó mogot ne ke gotu lolò ye yóm kdê hlauhen kuy, henbalingen yu mò hol kun tau lómón yóm deng fasaden kuy.

Dwata 5:33

Gotu nimón ye yóm kdéen anì hyu kógów klowil ye ne hlós knô ye ta yóm tonok móyón nfun ye.”

Kulasi 1:10

Ni bud hni me béléen anì hol gmò ye yóm kun kóyô yóm gónó tekuy mogot, ne anì hol gmò ye yóm gónón hligal bélê ye. Ke ni se kmò ye, wen tey bunguhen yóm klowil ye, ne senflósen temnù yóm ketngón ye ke Dwata.

Kulasi 4:5

Hol ye hfulung mò du yóm hyu bè yó kem tau là dengen hemtahu. Eles tnana ye ke wen lan ye mò du.

1 Tisalunika 2:12

Tey gel kegduf me kuy, ne tey gel kehyu me nawa ye, lel me tendo gemduf kuy anì gmò ye yóm gónón hligal Dwata. Du se tehe tmaba kuy anì gomong ye bè yó kem tau nogoten ne bè yóm tey kegetahen.

1 Tisalunika 4:1

Ne ni mò sónu du bélê ye, kem dumuhu setwoli, deng tehe wen dnalang ye lemwót bélê me bè yóm kmò kekdol ye anì hyu nawa Dwata ebélê ye, ne bè ktahuhen deng duhen yó se yóm gel nmò ye. Ne ni wen bud hol sen-galu me bélê ye, hlan me bè kun boluy Jisas yóm gónó tekuy mogot anì hol temnù yóm hyu gel nmò ye.

1 Jan 1:7

Okóm ke deng ye nô lem layag, lómón yóm kun knô lem layag Dwata, yó he gónón wen kesfulung tekuy. Ne yóm litô tehe namà Jisas, yóm Ngà Dwata, yó se fen tendo mkó du bélê tekuy yóm ket salà gel nmò tekuy.