Tekang Kbuten 49:8 - Udél Dwata: Gna Kesfasad ne Lomi Kesfasad

⁸ Ne uu Juda, angat tey kdóyón le kóm yó kem dumuhem setwoli, gotu le mtud bukol bè soluhem. Ne yó kem hohonem, laen dù gmò le béléem.

Tekang Kbuten 49:8 Iomraidhean Croise

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 29:35

Bud mlutut bè yó ne bud mngà logi. Yó monen, “Lemwót bè yóm ngau ni hol gónóhu dmóyón ke Dwata.” Ne yó gónón moluy du Juda. Ominen yó là bud tagad mngà.

Tekang Kbuten 42:6

Lemwót bè yóm deng kbaling Jusif gubérnor bè Idyip, yó nmoen, gel hembalù ken bè yó kem tau bè klamangen benwu. Ngangen ne gefet béléen yó kem twoguhen, gotu le mtud bukol bè soluhen ne hegdufok le ebè tonok.

2 Samwél 22:41

Gotu hlóyem yó kem hohonu. Gotu genlau yó kem tau mutó do nawa.

2 Samwél 24:9

Gotu tulón Juab yóm tau hol geta yóm kdê tau lista le. Bè benwu Israél, yó kwen kem logi deng hulung mogot sudeng, botong wolu latu libu, ne limu latu libu bè Juda.

2 Samwél 5:3

Tahu se, bè yó bè Hibron bè solu Dwata, wen senfasad le Dabid yóm kdéen tau malak bè Israél. Omin le temwél te kulu Dabid hnolo mò ilô yóm kbalingen tau hol geta bè Israél.

1 Tutul Israél 28:4

Igoen yó he, bè fes lówó mà laen kô dù tul sónen yóm deng kélék Dwata dou, yóm Dwata hol gónó le mogot yó kem tau Israél mò tau hol geta bélê le. Yakà deng tehe néléken yóm tbong Juda mò mogot benwu. Ne lemwót bè nim tbong Juda ni, néléken kun fes lówó mà. Ne lemwót bè kun fes lówó mà, néléken ou mò tau hol geta bè klamang Israél, ne tey kehyu nawahen bè yóm kéléken dou yó.

2 Tutul Israél 14:8

Yó kwen sendalù Asa lemwót bè ból Juda, botong tlu latu libu, hono eles mit klung lembang ne buyus, ne lewu latu wolu folò libu lemwót bè ból Bindyamin, hono le mit klung ne boho. Yóm kdê le ni, hono le kem tau alì layam bè sgida.

2 Tutul Israél 15:9

Omin Asa gotu semtifun kul yóm kdê tau bè Juda ne Bindyamin, gomong yóm kdê tau bè Ifraim ne bè Manasi ne bè Simyun deng menwu lem blóng le. Tey dê tau lemwót bè Israél fi bwak mili ebè Juda bè yóm kton le du yóm knô Dwata bè Asa yóm kun Dwata hol gónó mogot.

2 Tutul Israél 17:2

Yóm kdê yó kem syudad mbegel bè Juda, sal wen kem sendalù sù Jihusafat du, ne bud tennuen kamfù yó kem sendalù bè Juda ne bè yó kem benwu glem lem tonok Bindyamin deng tehe gled maen Asa.

2 Tutul Israél 30:11

Tek udì néen lemwót gu bè benwu Asér ne Manasi ne Sibulun heglaan knô, ne mógów ebè Jirusalim.

Kem Lingón 76:1

Tey tótól Dwata bè benwu Juda. Tey megdóyón boluyen bè benwu Israél.

Isaya 9:7

Angat sónmoen tendo temnù yóm kfasangen mogot tau ne angat senflósen menek yóm benwu nogoten. Du se mò tles Dabid bè yóm tehe kogoten benwu. Yóm kmò kogoten tau angat hlanen bè yóm tey kukum tedeng nwiten. Ni se angat kmoen lemwót bè kbuten kól bè hol sónen. Hol nô bè nawa Dwata mò du yóm kdéen ni yóm Dwata laen dù là gbeken du. Là gomongen bè nili yóm bérs 8 kól bè 21. Yó tulónen bè ni, yóm htulón Dwata ke Isaya bè yó kem tau Israél menwu fi bwak ne ebè yó kem tau Israél menwu lem syudad Samarya yóm yê yó kem syudad bè benwu le. Yó mon Isaya bè bérs 13, “Kogol yóm kdê tafak ni, ewenem sana là kehegsel yó kem tau ne là kô le mulék ebè yóm Dwata laen dù là gbeken du.” Mom yó udél yó kem dù tebel, mon le, “Deng tey kegbà nim benwu tekuy, okóm bud hol hbegel tekuy hemdà du mkay senta yóm gnahen.” Yó balà Dwata du yóm alì keheklabak le yó, duhen yóm bud kehwiten du elem blóng le yó kem benwu hohon le mò gemlà kul. Monen bè bérs 14-16, “Tek olo sendawen gemlà du Dwata yó kem gel malak bè Israél ne yó kem tugod Dwata gel mò kéng. Yakà yó kem malak bè Israél yóm mit kul meglà yó kem tau.”

Dwata 33:7

Ne yó udél Musis gbak ebè yó kem sfu Juda, monen, “Ó Dwata, hol hnungolem yóm kni le tóbóng béléem. Hol bud sensotuhem lu bè yó kem dumu le Israél. Mungi sfatay bélê le, Dwata. Hol tnóbóngem lu bè yó kem hohon le.”

Hibru 10:13

hangaten kehto yóm buteng angat gotu kdà Dwata kul elaan yó kem hmohon du.

Hibru 7:14

Bong bè yóm gónó tekuy mogot, tódô kdéen tau se temngón du yóm kesfuhen gu bè Juda. Bè yóm tehe gel kehlau Musis yó kem tau mò blóng le ebè Dwata ekni, laen kô dù monen bè yó kem kun sfu Juda.

Deng Hegfan 11:15

Ominen mféw yóm ghitu yó kem hógów Dwata, sen-gengu se mungol yóm tey udél gu bè longit, mon le, “Deng hto ne yóm kul kdaw mogot klamangen benwu yóm Dwata gónó tekuy mogot ne yóm kun Misaya. Ne laen kô dù sónen yóm kkamalen yóm klamangen yóm kun Misaya yó.”

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”