Tekang Kbuten 49:6 - Udél Dwata: Gna Kesfasad ne Lomi Kesfasad

⁶ Là kóe mung du dou yóm kul lifut sentulón, duhen ke wen yó kem gel sensatul le. Yakà deng le tehe gemhatay tau lemwót bè kebut le. Ne deng htugô le yó kem safì tudu mò lelen le.

Tekang Kbuten 49:6 Iomraidhean Croise

Tekang Kbuten 34:30

Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Kem Lingón 1:1

Hligal le kul yó kem tau kembê du yóm kul gel hlau yó kem tau gel mò sidek, ne ke là lolò le du yóm kul kmò yó kem tau gemsalà, duhen ke là gbót le bè yó kem tau hemnê ke Dwata.

Kem Lingón 103:1

Tey kdóyónu ke Dwata dou. Tódô hotuhu nawahu dmóyón du abay se laen kô dù belenen yóm kun boluy.

Kem Lingón 139:19

Ó Dwata, hendéméu dé ke gotu hnatayem lu yó kem tau mò sidek. Hendéméu ke tódô bayà le o yó kem tau mit klóbô.

Kem Lingón 16:9

Duhen yó, tey keslamatu béléem, Dwata, ne tey kehyu nawahu. Tódô gnómu yóm kgel nawahu,

Kem Lingón 26:9

Béem hmung ou bè yóm kul gónó e kól yó kem tau gemsalà, dalang se bè yó kem tau monok, béem hmung ou golu bélê le.

Kem Lingón 28:3

Béem homong dyol ou bè yó kem tau gel mò sidek. Tey tilob kudél le bè kem dumu le sebét, okóm yóm lem hendem le, matul le mò sidek bélê le.

Kem Lingón 30:12

Yó se gónóhu semgal yóm sngal dmóyón kóm, ne là kóe tódô yem. Ó Dwata, yóm Dwata hol gónó mogot, ne laen kô dù tul sónen yóm kdóyónu kóm yó.

Kem Lingón 42:11

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 42:5

Moen ni du ke alì sidek keblat nawahu? Moen de ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 43:5

Moen du ke alì sidek keblat nawahu? Moen ni du ke alì sbeweg kegnómu du? Dwata he nefet nawahu, angat wen kdawu bud dmóyón du. Du se yóm lemwà dou, ne du se yóm dou Dwata.

Kem Lingón 5:10

Ó Dwata, hbóem kul yóm sidek nmò le. Hebtangem lu bè yóm kul udél. Lemwót bè yóm kdê salà nmò le, lohem lu mayuk, yakà deng natù le kóm.

Kem Lingón 57:8

Yó hendemu, btike dé anì nunihu yó kem gel kenbitu. Naw bentik kdaw mlan bè lingón.

Kem Lingón 64:2

Hol kenlungem ou bè yó kem tau gel mò sidek matul dou, ne bè yó kem tey tau wen deng matul dou.

Kem Udél Hlalak Tehe Selumun 1:11

Hlingón te du, ke wen mon du mò kóm, “Mungi kum dé, na tekuy e hékét anì wen hnatay tekuy, balù yó kem tau laen dù duón kul.

Kem Udél Hlalak Tehe Selumun 12:5

Yó kem atul yó kem tau tedeng kmò le hono tedeng, okóm yó kem tau gel mò sidek yóm kul udél hlalak hono sukat.

Jirimaya 15:17

Là kô deng namau du udasu bè yó kem dumu tau bè yóm gel kehligal le. Lemwót bè kimónu yóm hmoem dou, laen kô dù dumuhu balù sotu. Ne gele lembut bè yó kem sidek gel nmò le.

Kun Snulat Luk 12:19

Ne yó angat monu, Tey hyu bagiu nim ou, wen nim tey henyuhu ni balù mom hilu halay. Naw olò na hdatù dé ni, na hendengen mken ne minum, naw hol hligal.’

2 Kurin 6:14

Hol bê ye abay mit sbilà bè yó kem tau là hemtahuhen, là kóen na a hyu. Abay se là kô le segmung yóm tedeng ne yóm sigol. Dalang se yóm layag ne yóm kifu, là kô le setnù.

Dwata 27:24

‘Hol tnafak Dwata yóm tau ke lenifut hnatayen kedumun.’ Ne kdéen tau gotu hem-el du, mon le, ‘Tahu yó.’

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.