Tekang Kbuten 49:33 - Udél Dwata: Gna Kesfasad ne Lomi Kesfasad

³³ Timbow deng kudél Jakub ebè yó kem ngaen, ominen yó hganag bud hlilil ne milot se nawahen.

Tekang Kbuten 49:33 Iomraidhean Croise

Tekang Kbuten 15:5

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Tekang Kbuten 25:17

Yó kegen Ismaél tau, lematu bud tlu folò hitu halayen, ominen matay.

Tekang Kbuten 35:29

Ne lebeng yó kem lewu ngaen, Iso ne Jakub.

Tekang Kbuten 49:1

Timbow deng kudél Jakub ebè Jusif, ominen gotu htaba yó kem ngaen logi, monen mò kul, “Sbung ye e klohoku, eles tulónu kuy yóm angat kmò ye elem hulin kdaw.

Tekang Kbuten 49:29

Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.

Tekang Kbuten 49:32

Yóm tonok ne yóm kilib, tehe benli fù ye Abraham bè kem tau Hitayt. Hol lebeng ye ou ditu se dou.”

Tekang Kbuten 50:1

Timbow ton Jusif yóm deng katay maen, tódô lemfen nkiken lelen melek du.

2 Bok Kem Tau Hol Geta 13:14

Bè yóm kegnóm Ilaysa du yóm des gónón matay, nauy Juas yóm tau hol geta bè Israél. Bè yóm ktonen ke Ilaysa botong mkik, monen, “Ó Mà, yóm klitun tók yó kem tau Israél, ne yó kem tau mit kudà demyol kul.”

2 Bok Kem Tau Hol Geta 13:20

Duhen yó, matay Ilaysa ne lebeng le. Bè yóm kbut kkinì kdaw, yó gel nmò yó kem tau Muab gel le hmékét bè lan, tódô ket halay le gel mógów ebè benwu Israél.

Job 14:10

Okóm yóm tau ke matay sónen ne kun klowil. Ke deng milot nawahen bud gónón nô se kun du?

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

Kehedem Tau Tmolok 12:7

Abay se yóm lówó tekuy bud baling kfung, ne fen mulék ebè Dwata yóm nawa tekuy bè yóm tehe gónón gu lemwót.

Kun Snulat Luk 2:29

“Ó Dwata, deng dohò ne yóm tehe fasadem do, ne bong menek kegnómu du. Bang khukolem towoku ne.

Kul Nmò 7:15

Tahu se, gotu le msulék mógów ebè Idyip, ne ditu gónón hlós matay Jakub, kólen bè yó kem ngaen.

Hibru 11:22

Ngangen móyón mfu se ke Jusif kun. Lemwót bè kehtahuhen du yóm tehe fasad Dwata kul, eles bud tulónen yóm angat ktagak yó kem dumuhen tau Israél yóm benwu Idyip hulin kdaw, ne wen hloloen kul anì hol nwit le lówóhen na le e lebeng ditu bè yóm benwu fasad Dwata kul.

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.