Tekang Kbuten 49:3 - Udél Dwata: Gna Kesfasad ne Lomi Kesfasad

³ Uu Rubén, hol twogu bè yó kem ngau, ngà lemwót bè kgisu, hol tanay ngau bè yóm klomihu tau. Uu se mò kulu yó kem dumu ngau ne tey kadat le kóm.

Tekang Kbuten 49:3 Iomraidhean Croise

Tekang Kbuten 29:32

Mlutut Liya ne mngà logi. Yó monen, “Deng ton Dwata yóm gfau ne mlan bè nim ngau ni angat kenbong nawahen ou yóm tuha logihu.” Ne yó boluyen yóm ngaen sut yó, Rubén.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Tekang Kbuten 35:23

Yó ngaen bè Liya, duhen Rubén, du se hol ngà Jakub twogu, ominen tmodol Simyun ne Libay ne Juda ne Isakar ne Sibulun.

Tekang Kbuten 48:18

Monen mò ke maen, “Sundu, Mà. Ni dii yóm ngà twogu, ogotem bè kuluhen sigel kwananem.”

Kem Lingón 105:36

Ngangen efet hfatay Dwata yóm ngà logi twogu bè ket kmuleng bè yó kem tau Idyip. Yóm ngà le bè tolo tukô nawa le.

Kem Lingón 78:51

Gotu hfatayen yó kem ngà le logi twogu yó kem tau Idyip, kem ngà alì mebtes bélê le, hfatayen lu bè klamangen benwu Idyip.

Lista 1:20

Yó kem logi deng lewu folò halayen duhen ke mukas, yóm deng gembek mung bè sendalù, gotu hsulat le boluy le bede sal mlan bè ktol le ne bè fes lówó le. Yó kmò klista le kul lenwóten bè ból Rubén yóm ngà Jakub twogu. Ni se kwenen yóm kdéen logi lista le. Kwen logi lemwót bè ket ból le: Rubén 46,500 Simyun 59,300 Gad 45,650 Juda 74,600 Isakar 54,400 Sibulun 57,400 Ifraim 40,500 Manasi 32,200 Bindyamin 35,400 Dan 62,700 Asér 41,500 Naftali 53,400 Yóm kwen le 603,550.

Dwata 27:13

Ne bud wen bélê ye fen mdà ta Bulul Ibal mò hem-el du bè yó kem tau Israél yóm tafak lemwót bè là kimón le ke Dwata. Yó kem tau fen mdà ta Bulul Ibal yó, duhen yó kem sfu Rubén ne Gad ne Asér ne Sibulun ne Dan ne Naftali.

Dwata 33:6

Yó udél Musis gbak ebè yó kem sfu Rubén, monen, “Balù yóm là kwen le yó kem sfu Rubén, hol tódô senflós le mból he anì là lanahen yóm kul boluy.”

Deng Hegfan 3:14

“Budi smulat do ebè yóm fen gel malak yó kem tau hemtahu bè Ludisya, monem mò du, ni se udélen ebélê ye yóm hol dohò tulónen. Du se yóm hol gulit, yóm hol gsalig, yóm tehe hedlimun Dwata yóm kentihen.”