Tekang Kbuten 49:29 - Udél Dwata: Gna Kesfasad ne Lomi Kesfasad

²⁹ Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.

Tekang Kbuten 49:29 Iomraidhean Croise

Tekang Kbuten 15:15

Okóm kóm, angat gsengel ktuhahem ne menek kegnómem du bè yóm katayem ne hyu kebeng le kóm.

Tekang Kbuten 23:16

Tódô nmung Abraham yóm btes Ifron du yó koni ne tnimbangen lem blóng yó kem tau nô bè yó yóm fat latu botù blówón bukay mon Ifron yó. Lómó kmoen du, lómón yóm gel ktimbang yó kem tau gel bemli.

Tekang Kbuten 23:17

Kewóten bè yó, Abraham ne tles mfun du yóm tehe tonok Ifron bè Makpila, fi dmata kdaw yóm benwu Mamri. Gomong du yóm kilib gónó lembeng ne yó kem koyu mteg gu bè yó efet kól bè kilil yóm tonok yó.

Tekang Kbuten 23:20

Duhen yó, yóm tonok tehe nfun yó kem tau Hitayt ne yóm kilib nô du, deng baling nfun Abraham mò gónón gel lembeng.

Tekang Kbuten 23:9

anì hbaluen béléu yóm kilib boluyen Makpila, yóm nô bè kilil tonoken. Hol tulón ye du dou anì hbaluen béléu bè yóm hol tahu btesen. Tódô benlihu bè ni lem blóng ye mò hlós dou nfun mò dou gónó gel lembeng.”

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 35:29

Ne lebeng yó kem lewu ngaen, Iso ne Jakub.

Tekang Kbuten 47:30

Yó nóyóu ke hol lebeng ye ou ditu bè yóm tehe gónón lebeng kem fuu. Nit ye hewà bè ni bè Idyip lówóhu, hol lebeng ye ditu bè yóm tehe gónó le lembeng kul.” Mon Jusif se, “Nmou béléem, Mà, yóm monem mò dou yó.”

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Tekang Kbuten 49:33

Timbow deng kudél Jakub ebè yó kem ngaen, ominen yó hganag bud hlilil ne milot se nawahen.

Tekang Kbuten 50:12

Tódô gotu nmò yó kem ngà Jakub yóm tehe mon mà le mò kul.

Tekang Kbuten 50:13

Nwit le lówóhen etu bè Kanan ne lebeng le bè yóm kilib bè Makpila fi dmata kdaw Mamri bè yóm tonok tehe benli Abraham bè Ifron, yóm tau Hitayt. Yóm tonok benlihen yó mò gónó le lembeng.

2 Samwél 19:37

Ke denge kól fatu, bud hulékem ou anì yó mataye bè yóm dou benwu, moni bè lebeng le mà lewu le yê. Okóm ni ngau Kimham, nwitem, ne nmoem béléen yóm hyu béléem.”

Hibru 12:23

Hol lómón ke deng tekuy gomong ne bè yó kem gna ngà Dwata deng gsulat bè longit yóm kul boluy, ne deng tekuy gbót ne bè yóm tey kligal le bè yó. Hol lómón ke deng tekuy hloni ebè Dwata, yóm fen kmukum kdéen tau. Lómón ke deng tekuy hloni ebè yó kem kdéen tau hemtahu deng tehe matay, yó kem tau hyu kmò le, kem tau deng baling gulit ni kmoen ni.