Tekang Kbuten 49:28 - Udél Dwata: Gna Kesfasad ne Lomi Kesfasad

²⁸ Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Tekang Kbuten 49:28 Iomraidhean Croise

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Tekang Kbuten 49:27

Bong ke Bindyamin kun, hol lómón ke yóm ohu alì lóbô nô lem bnes. Tódô ket hlafusen wen hnatayen bè yó kem hohonen ne tódô ket kifuhen mólól yóm deng negefen.”

Tekang Kbuten 49:29

Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.

1 Bok Kem Tau Hol Geta 18:31

Wen sfolò lewu botu nwahen, hningónen yó kem sfolò lewu ngà Jakub logi yóm tau tehe gónó Dwata e mudél, monen mò du, “Israél bud boluyem.”

Istér 8:11

Yó nô lem nim sulat ni, duhen yóm deng kóyô Sérksis ke setgel yó kem Ju bè ket syudad anì gbek le mofin knô le. Balù kihu prubinsya gónó le nô, ke wen kem tólóng tau sut tô hmatay yó kem Ju, logi duhen libun duhen ke kem ngà tódô le matù. Hyu ke gotu hnatay yó kem Ju yó kem hohon le ne hyu se ke gotu nwa le yóm kdê nfun le.

Istér 8:7

Yó mon Sérksis mò ke Boi Istér lewu le Murdikay yóm tau Ju, “Ngem, deng hetléwéngu Haman bè yóm tô khatayen yó kem Ju ne deng blayu ke Istér se yóm kdê nfunen.

Istér 8:9

Tahu se, tódô kendel htaba Murdikay yó kem tau gel smulat bè yóm tau hol geta. Yóm kehtabahen kul yó, bè gewuhen folò tlu kdaw bè yóm getluhen bulón yóm bulón boluy le du Siban. Hsulaten kul yóm udin hwiten ebè yó kem Ju ne ebè yó kem gubérnor le ne ebè yó kem tau wen hogot le kul ne ebè kdê yó kem dumu tau wen glalen bè yó kem 127 prubinsya nogot Sérksis, lenwóten bè benwu Indya fi dmata kdaw efet kól bè benwu Sudan fi leged. Yóm sulat hwiten yó hwiten ebè ket prubinsya, hsulaten bè kul udél ne bè kul kmò ksulat. Senged se bè yó kem Ju, hsulaten bè kul udél ne bè kul kmò ksulat snéen.

Lista 23:24

Yó kem tau Israél, hol lómón ke yóm liyun alì lóbô. Là kóen tagad hegnô ke là nan wen kenfóen ne gotu nséken ne nimuhen litóen.”

Kul Nmò 26:7

Bud ni snéen gentud nawa tekuy kem Ju nim kmoen ni. Yó gónó tekuy tendo tmaba ebè Dwata, kemdaw ne kifu. Ni se, Datù, alì duón le dou yó kem dumuhu Ju.

Dwata 33:1

Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

Sulat Jim 1:1

Ou se Jim gónón gu lemwót nim sulat ni. Ou se sotu tóbóng lówó Dwata ne yóm gónó tekuy mogot Jisas Krays. Smulate ebè yóm kdéen tau Dwata deng sekla bè klamangen benwu.

Deng Hegfan 7:4

Ominen yó tmulón du dou deng wen lematu bud fat folò fat libuhen yóm kwen le yó kem tau deng wen ilô nmò le lem uyó le, hono kem tau semfu gu bè yóm tehe sfolò lewu ngà Israél.