Tekang Kbuten 49:18 - Udél Dwata: Gna Kesfasad ne Lomi Kesfasad

¹⁸ Ó Dwata, uu se yóm hol nangatu mò lemwà kum.

Tekang Kbuten 49:18 Iomraidhean Croise

Tekang Kbuten 49:17

Yóm kun kmò Dan, lómón ke ulal malas nô bè kilil lan. Ke wen tau smakay kudà mlan bè yó, nékéten senta kmasing yóm kudà anì htoyò ne tódô megtudà yóm tau smakay tahen.

Kem Lingón 119:166

Són nangatu yóm kehewaem do, Dwata, ne deng nimónu yó kem hlauhem.

Kem Lingón 119:174

Hfuhu imaku mangat yóm kehewaem do, Dwata, ne són hefligal do, són yó kem hlauhem.

Kem Lingón 119:41

Ó Dwata, hegfanem béléu yóm tey kbong nawam do là monolen, duhen yóm kegewà deng tehe fasadem do.

Kem Lingón 123:2

Yóm klengalau ni, hol lómón ke yóm ngà logi gel tóbóng lówó, sónmoen lengalà ebè yóm gónóhen mogot, duhen ke yóm ngà libun gel tóbóng lówó, sónmoen lengalà ebè yóm gónóhen mogot se kun. Lómón yó se kum klengalà ebéléem, Dwata yóm hol kum gónô mogot, nangat me yóm kkoduhem kum.

Kem Lingón 130:5

Tey kangatu du yóm któbóng Dwata do, ne tey kegléd nawahu du yóm udélen ebéléu.

Kem Lingón 14:7

Tey gel knihu bè Dwata anì géhél hegmoen tekuy kem kun tau Israél. Lemwót gu bè kun Bulul Sayun yóm któbóngen tekuy yó. Angat tey kligal tekuy sok bud hen-gulék Dwata yóm klowil tekuy.

Kem Lingón 40:1

Tey khanayu nawahu mangat du yóm któbóng Dwata dou. Ominen yó he hmungol dou, gungolen yóm tey ktabahu ebéléen.

Kem Lingón 62:1

Tódóe htinof mangat ke Dwata, abay se lemwót béléen yóm dou kegewà.

Kem Lingón 62:5

Tódóe htinof mangat ke Dwata, abay se són du dou nefet nawa.

Kem Lingón 85:7

Hegfanem kum, Dwata, yóm kbong nawam là monolen, ne hol lenwaem mi.

Kehewà 15:2

Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kem Udél Hlalak Tehe Selumun 14:32

Lemwót bè yóm sidek nmoen gónón meglà yóm tau gel mò sidek, okóm yóm tau tedeng kmoen wen gónón e mlo bè katayen.

Isaya 25:9

Sok bangen kól du yóm yó, tódô kdéen tau gotu mon du, “Du se yóm hol kum Dwata. Sónen du yóm kum snalig ne deng lenwaen mi. Du se hol gónó me mogot ne tey bong kligal me yóm kmoen ni abay se deng lenwaen mi.” Là gomongen bè nili yóm bérs 10 kól bè 12. Yó tulónen bè ni kem bérs ni yóm ktafak Dwata yó kem tau bè benwu Muab lemwót bè yóm alì keheklabak le.

Isaya 30:18

Baluen he ke yó nmò ye, yóm Dwata sana tolo kangaten du yóm kesfulék ye anì hegfanen bélê ye yóm kkoduhen kuy. Deng eles nô bè nawahen ne yóm tey kkoduhen kuy abay se yóm Dwata là gbeken du ke là nmoen du yóm hyu. Hligal le kul yó kem tau smalig bè Dwata.

Isaya 33:2

Ó Dwata, hol knoduhem mi, són uu se nefet nawa me. Hol kenlungem mi ket kdaw. Lenwaem mi ke wen gfà me.

Isaya 36:8

Ni wen hmóyóu kuy hlanu bè boluy yóm tau hol geta bélê me. Angat benlayu yu lewu libu kudà ke wen lewu libu tau ye hulung smakay kul. Neet he.

Isaya 8:17

Deng henbnos Dwata yó kem tauhen, okóm dou sana ksaligu du ne són du ken-gel nawahu.

Lanu Jirimaya 3:25

Tey hyu yóm Dwata bè yó kem tau hemdón du ne mebel du.

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Matyu 1:21

Angat logi yóm ngaen, ne yó boluyem du Jisas, yakà du yóm lemwà yó kem kun tau gu lem salà le.”

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Kun Snulat Luk 2:25

Bè yóm kdaw yó, wen sotu tuha logi nô bè Jirusalim boluyen Simyun. Nim tau ni, tedeng knawahen, ne tey klikoen ke Dwata. Sal gel nangaten yóm kehewà Dwata kul yó kem tau Israél. Tendo nô béléen yóm Tulus Dwata,

Kun Snulat Luk 2:30

Deng tonu ne yóm tau deng eles nélékem mò lemwà yó kem tau lem hatay,

Sulat Pol Ebè Yó Kem Tau Hemtahu Bè Rom 8:19

Tódô kdê yó kem deng dlimun Dwata, tey kessangat le du se kul yóm kdaw angat kehegfan Dwata du yóm deng kngaen tekuy.

Sulat Pol Ebè Yó Kem Tau Hemtahu Bè Rom 8:25

Okóm ke là deng ton tekuy du, yó se gónó tekuy na hol hbala mangat du.

Glasya 5:5

Okóm bélê tekuy du, són ken-gel nawa tekuy yóm nmò Dwata bélê tekuy mò gónón tedeng ktonen tekuy. Kun kfasang yóm Tulus Dwata mò du nim ni, hlanen bè yóm kehtahu tekuy. Ne yó se yóm tendo nangat tekuy.

1 Tisalunika 1:10

Tulón le kum snéen yóm tendo kingat ye yóm bud kkól yóm Ngà Dwata gu bè longit, duhen Jisas yóm tehe hlowil Dwata. Bud du se yóm lemwà tekuy gu lem yóm angat ktafak Dwata yó kem tau là mimónen.