Tekang Kbuten 49:14 - Udél Dwata: Gna Kesfasad ne Lomi Kesfasad

¹⁴ Ne bè Isakar kun, hol skél bè yóm kudà asnu alì kemgis lemulón. Tódô hegnô lem blóng yó kem gel lulónen.

Tekang Kbuten 49:14 Iomraidhean Croise

Tekang Kbuten 30:18

Ne yó mon Liya, “Deng benlay Dwata ou ofol lanu bemlay du bè yehenu yóm libun heseku.” Ne yó gónón moluy du Isakar yóm ngà sut yó.

Tekang Kbuten 49:15

Ke deng tonen yóm tey kehyuhen yóm gónón hegnô, ne yóm alì ktilob tebas yóm tonoken, balù nô kgelen yóm nmoen tódô senflósen mò du, hol lómón kmoen nmò yóm tau hesek.

Kem Lingón 68:13

Balù yó kem libun tebel bè yó kem ubiha le, okóm ni, deng tódô glimun lówó le blówón bukay ne tahu blówón, lómón yóm hafak obun, kun glimun bè lówóhen.

Kem Lingón 78:70

Néléken Dabid yóm tóbóng lówóhen, tnabahen gu bè yóm gónón semgyok ubiha.

Lista 32:16

Omin le hloni ebè Musis yó kem tau stulón du yó koni ne mon le mò du, “Là, Sér. Ke hyu béléem, hlusem mi anì eles me mò yó kem kukub nbeng botu bè yó kem ógóf me mò gónó le nô ne bud me eles mò beng hilol yó kem benwu gónó le nô yó kem fes lówó me.

Dwata 33:18

Yó udél Musis gbak ebè yó kem sfu Sibulun ne sfu Isakar, monen, “Hol temnù he yóm kehyu klowil le yó kem sfu Sibulun lemwót bè yó kem udél swa gel nmò le bè yó kem dumu benwu fatu mohin. Dalang se yó kem sfu Isakar, hol temnù he yóm kul kehyu klowil lemwót bè yóm gel nmò le bè kul gónô.