Tekang Kbuten 49:1 - Udél Dwata: Gna Kesfasad ne Lomi Kesfasad

¹ Timbow deng kudél Jakub ebè Jusif, ominen gotu htaba yó kem ngaen logi, monen mò kul, “Sbung ye e klohoku, eles tulónu kuy yóm angat kmò ye elem hulin kdaw.

Tekang Kbuten 49:1 Iomraidhean Croise

Kem Lingón 105:15

“Hol bê ye abay hensidek lu yó kem dou tau nélék. Ne yó kem tugodu elem blóng le, bê ye abay hensidek lu.”

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Isaya 53:1

Yó udél yó kem tau, mon le, “Tau du de tô gembek hemtahu du yóm tulón me ni koni? Tau du de tô gembek milô du yóm kfasang Dwata?

Jirimaya 23:20

Ne là kóen na a hotok yóm kebut Dwata yó efet gotu dengen yóm atulen eta yó kem tau mò sidek. Angat getnef ye he nim ni elem hulin kdaw.”

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Lista 24:14

Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.”

Kun Snulat Luk 2:26

ne deng eles hetngónen du yóm là tagad katayen ke là nan ne ton yóm Misaya, yóm deng tehe fasad Dwata kul mò hkamalen yóm klamangen.

Kul Nmò 2:17

‘Sok móyónen kól yóm hol són kdaw, mon Dwata, ni se angat nmou. Angat suu bè kdéen tau yóm dou Tulus. Yó kem ngà ye logi ne kem ngà ye libun, angat tugod le yóm dou udél. Ne yó kem logi lomi lemnok, angat wen gel htonu kul. Ne yó kem tuha logi, angat wen gel heknahu kul.

Dwata 31:12

Gotu sentifun ye yó kem logi ne yó kem libun ne yó kem ngà ne yó kem tólóng tau menwu lem blóng ye anì tódô kdê le gotu mungol du. Ne lemwót bè yóm kungol le du, gónóhen wen klikò le mulé ke Dwata yóm sana kul Dwata hol gónó mogot ne hteneb le mimón du yó kem toloken kul.

Dwata 4:30

Ke deng wen glumfak ye elem hulin kdaw ne ke deng gotu gefet bélê ye ni kem monu mò kuy ni, omin ye yó he semfulék ebè Dwata ne nimón ye.

1 Timuti 4:1

Tey mtukul yóm eles kmonen du yóm Tulus Dwata yóm nmò yó kem dumu tau hulin kdaw. Tebel le yóm kul kehtahu, mom yó nimón le yó kem tulus kéng, ne yó kem tolok sekban lemwót bè kem busaw.

2 Timuti 3:1

Ni mò hentulónem nawa, ke sok deng móyón moni yóm hol són kdaw, tey dê gónó le glayam kem tau.

Hibru 1:2

Okóm tólóng ni kmoen ni. Yóm kudél Dwata ebélê tekuy, deng hlanen bè yóm Ngaen. Yóm Ngaen yó, du se yóm deng fen hedlimunen yóm kentihen, ne deng néléken mò angat mfun du snéen.

Hibru 13:1

Hol bê ye abay nmò sónen yóm kuy kesbong nawa, yakà deng ye baling setwoli ne lemwót bè kehtahu ye.

Deng Hegfan 4:1

Kogolen yóm yó koni, bud wen tonu. Tódô tonu hnas yóm sotu bak dól bè longit. Ne bud mudél se yóm tehe mudél ebéléu, yóm lómón uni féw bong udélen, monen mò do, “Mógówi edini kun, naw e tolok kóm yó kem sut hulin kdaw.”