Tekang Kbuten 48:9 - Udél Dwata: Gna Kesfasad ne Lomi Kesfasad

⁹ Bnalà Jusif se, monen, “Ni se kem ngau, kem ngà blay Dwata dou bè ni bè Idyip.” Mon Jakub se, “Hlonihem lu dou edini anì noluhu lu.”

Tekang Kbuten 48:9 Iomraidhean Croise

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Tekang Kbuten 30:2

Deng mom lenbut Jakub Rakél ne monen mò du, “Ou kô Dwata? Bè Dwata se gónón lemwót yóm là kngaem.”

Tekang Kbuten 33:5

Timbow deng keskik le, omin Iso temngel hilol, ne tonen yó kem libun ne yó kem ngà, ne snólóken Jakub, monen, “Kem tau kul de ni kem mung kóm ni?” Bnalà Jakub se, monen, “Ni se, hono kem ngà blay Dwata dou lemwót bè yóm tey kehyu nawahen.”

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Kem Lingón 127:3

Yó kem ngà, tódô basa lemwót bè Dwata lu se mò ofol lemwót béléen.

Isaya 8:18

Ni ou, mung do yó kem ngà deng blay Dwata do. Yóm klowil me hol lómón ke tulón gdek lem blóng yó kem tau Israél, yóm tulón hwit yóm Dwata laen dù là gbeken du, yóm Dwata myón bè yóm gónón kmamal bè bulul Sayun.

Dwata 33:1

Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

Hibru 11:21

Ne bè yóm deng bud kun ktuha Jakub, lemwót bè yóm kehtahuhen du yóm tehe fasad Dwata yó koni, yó gónón wen oluhen eta yó kem lewu téméen bè Jusif gu laanen là deng milot nawahen. Kogolen bè yó, ominen mtud tugeden bè tonok, ne tódô kudung etahen, ne dóyónen Dwata.

1 Samwél 1:20

ne là legenen bè yó mlutut Hana ne mngà logi. Yó boluyen du Samwél, monen, “Yó gónóhu moluy du Samwél nim ngà ni abay se deng hnihu bè Dwata.”

1 Samwél 1:27

Tehe hnihu bè Dwata nim ngà ni ne tahu se blayen do.