Tekang Kbuten 48:21 - Udél Dwata: Gna Kesfasad ne Lomi Kesfasad

²¹ Omin Jakub mon du mò ke Jusif, “Tódô tonem se yóm móyón katayu lem blóng ye, okóm tendo eles nô bélê ye Dwata ne angat niten yu semfulék ebè tum tonok tehe fù ye.

Tekang Kbuten 48:21 Iomraidhean Croise

Tekang Kbuten 12:5

Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan,

Tekang Kbuten 15:14

Okóm angat tnafaku yóm benwu hmesek kul yó. Ne bè yóm kdaw angat ktebel le yóm benwu yó, angat gotu nwit le yó kem tey kendengen gu ditu.

Tekang Kbuten 15:16

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”

Tekang Kbuten 26:3

Hluni nô bè ni ne elese tendo nô béléem ne tnóbóngu uu. Yóm klamang yóm benwu Kanan angat blayu kóm ne yó kem lugodem. Là kô klifótu du yóm deng tehe kfasadu ke maem Abraham bè yóm tonok ni.

Tekang Kbuten 28:15

Hol béem klifót, elese tendo nô béléem ne tendo kenlungu uu balù nô gónóm e solu ne angat bud nitu uu semfulék ebè nim benwu ni. Là kô bayau kóm. Angat gotu dnohou yóm kdê deng fasadu kóm.”

Tekang Kbuten 37:1

Tódô khenek Jakub bè benwu Kanan bè yóm benwu tehe maen.

Tekang Kbuten 46:4

Munge kóm etu ne angat bud nitu lu semfulék ebè yóm tonok ni yó kem semfu gu béléem. Okóm kóm du, angati matay bè yó bè Idyip ne bè yóm angat kilot nawahem eles nô klohokem Jusif.”

Tekang Kbuten 47:29

Bè yóm kdaw móyón katayen htabahen Jusif, yóm ngaen ne monen mò du, “Ó Ngà, suem lem blóng hahahu henmuem safaem béléu yóm là kebengem dou bè ni bè Idyip.

Tekang Kbuten 50:24

Yó mon Jusif bè yó kem dumuhen setwoli, “Ni móyóne matay lem blóng ye, okóm Dwata he mò semgyok kuy ne angat bud niten yu ebè yóm benwu deng tehe hol fasaden ke fù Abraham ne témê Isak ne mà tekuy Jakub snéen.”

Tekang Kbuten 50:6

Ne yó balà Faro du yóm tinok Jusif yó, monen, “Lemwóti sen nam e lebeng maem, nmoem yóm deng fasadem du.”

Kem Lingón 18:46

Mowil yóm Dwata. Dóyónu yóm gónóhu heklung alì mbegel. Hegetahu yóm dou Dwata yóm Dwata gel lemwà dou.

Kun Snulat Luk 2:29

“Ó Dwata, deng dohò ne yóm tehe fasadem do, ne bong menek kegnómu du. Bang khukolem towoku ne.

Kul Nmò 13:36

Yóm utóm lingón Dabid yó, là kóen gbak ebè kun knô. Abay se bè yóm deng gotu kdeng Dabid yóm hmò Dwata du, matay se kun, ne lebeng le klohok yó kem tehe fuen, ne deng kem bolok ne lówóhen.

Dwata 30:3

ominen yó he bud mulék koduhen kuy yóm sana Dwata hol gónó mogot. Angat niten yu mulék gu bè yó kem benwu gónón deng e semkla kuy ne bud huléken ebélê ye yóm kehyu klowil ye.

Dwata 31:8

Dwata he fen tukô gna kóm ne tendo nô béléem. Là kô tnagaken kóm ne là kô bayaen kóm. Yó gónóm mon, hol hfólem nawam ne béi abay hlikò.”

2 Timuti 4:6

Béléu dou, là holen bud té ne nim dou knô te tonok. Móyónen hto yóm dou buteng.

Hibru 7:3

Nim Mélkésédék ni, laen kô snulat le mò gónó tekuy temngón du ke tau du tehe maen ne yéen, ne tau du tehe fuen. Senged se bè yóm tehe kdaw ksuten ne bè yóm tehe katayen, laen dù smulat du. Ne lemwót bè yóm là ketngón tekuy du yóm katayen, wen gónón skél bè yóm Ngà Dwata, abay se laen dù tul sónen yóm keseblóngen tau ebè Dwata.

Hibru 7:8

Yó kem tau gel demsù ebè Dwata, lu fen ma du yóm gesfoloen. Matay le se kul, abay se sana kmò tau. Bong ke Mélkésédék kun, tódô nwahen yóm gesfoloen, bede lemwót bè yóm snulat le bè Sulat Dwata, hol lómón ke là matayen.

Juswa 1:5

Bè yóm klawihem mowil, Juswa, laen kô gembek gemmò béléem, yakà tódô senflósu du nô béléem lómón yóm tehe knóu bè Musis. Là kô naw e tnagak kóm ne là se kô naw e tódô bayà kóm.

Juswa 1:9

Ni hol monu mò kóm, hol hotuhem gelem ne hol hfólem nawam. Béi abay hlikò ne béi abay htakas, yakà ou du yóm sana kóm Dwata hol gónó mogot ne tendohe nô béléem balù kihu gónóm e solu.”

Juswa 23:14

Ni deng bangu mfu lem blóng ye. Yóm ket kuy na sotu tódô gnóm ye lemwót lem but blutut ye yóm deng keblay Dwata du kuy yóm kdéen hyu deng tehe fasaden kuy. Ket fasaden kuy sal dohò.

Juswa 3:7

Yó udél Dwata ebè Juswa, monen, “Yóm nmou bélê ye kemdaw ni, mò gónó le madat kóm yó kem tau Israél mò tau malak kul. Ne bè yó gónó le dmilô du yóm knóu béléem lómón yóm tehe knóu bè Musis.

2 Pitér 1:14

Deng eles tngónu là buden té ne duen yóm dou ktau, yakà deng hetngónen du dou yóm gónó tekuy mogot Jisas Krays.