Tekang Kbuten 48:2 - Udél Dwata: Gna Kesfasad ne Lomi Kesfasad

² Timbow tulón le ke Jakub yóm kkól Jusif bè yó, tódô naluhen btik myón.

Tekang Kbuten 48:2 Iomraidhean Croise

Tekang Kbuten 48:1

Sotu kdaw bè yó, wen tau tmulón du ke Jusif wen des maen. Yó gónón mógów etu bè maen niten yó kem lewu ngaen Manasi ne Ifraim.

Tekang Kbuten 48:3

Yó monen mò ke Jusif, “Ó Ngà, yóm tehe knóu bè Lus bè benwu Kanan, hegfan béléu yóm Dwata laen dù là gbeken du ne wen oluhen dou.

Nihimaya 2:18

Ne tulónu kul yóm deng knô Dwata béléu ne yóm tey któbóngen do. Bud tulónu kul snéen yóm udélen ebéléu yóm tau hol geta. Yó balà le do, mon le, “Hyu se yó, nbut tekuy ne bud hdà du.” Tahu se, nbut le mò du yóm nmò yó.

Kem Lingón 41:3

Gel tnóbóng Dwata lu ke wen des le, gotu hkóhen yóm des gnóm le.

Kem Udél Hlalak Tehe Selumun 23:15

Ó Man, ke balingi hulung hedem teye hligal se do.

Ifisus 6:10

Ni se mò sónen yóm udélu ebélê ye. Hol hgel ye nawa ye lemwót bè yóm deng kessotu ye bè yóm gónó tekuy mogot, ne lemwót bè yóm tey kegbeken bélê ye.

1 Samwél 23:16

Kewót Junatan bè yó yóm ngà Sol logi, hnebelen Dabid bè Hurés ne tey ketgelen du bè yóm khofinen bè Dwata.