Tekang Kbuten 48:16 - Udél Dwata: Gna Kesfasad ne Lomi Kesfasad

¹⁶ Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Tekang Kbuten 48:16 Iomraidhean Croise

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 22:15

Ominen bud tmaba ebè Abraham bè gewuhen dulék yóm hógów Dwata tmaba gu bè longit yó koni, monen,

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Tekang Kbuten 48:5

Ne yó bud mon Jakub mò ke Jusif, “Ne ni, Jusif, yóm gu laanu là deng kól dini, deng lewu ngaem bè ni bè Idyip, le Ifraim ne Manasi. Yó kem lewu ngaem yó, dou funen. Hol dou ngà, hol le senged bè yó kem ngau twogu le Rubén ne Simyun.

Tekang Kbuten 49:22

Ne ke Jusif kun, hol lómón kmoen ke ngà kudà asnu lem bnes tô minum bè gónón wen tbul él.

1 Bok Kem Tau Hol Geta 1:29

Omin yóm tau hol geta mon du, “Ni smafae béléem hlanu bè boluy yóm Dwata là matayen, yóm Dwata deng lemwà do bè kdê yó kem tehe gfau.

2 Tutul Israél 7:14

ke mni le béléu yó kem tau mit du yóm dou boluy, ne ke heglaan le béléu, ne ke hnebel le ou, ne ke knogol le yó kem sidek gel nmò le, hnungolu lu gu ditu bè longit, ne hnifótu yó kem salà le, bud hetbasu yóm tonok le.

Kem Lingón 121:7

Tendo nofin Dwata uu bè yó kem sidek, là kô bayaen kóm.

Kem Lingón 34:2

Tendo gel dóyónu yóm deng gendengen béléu. Yu kem tau hen-gnok, hol hnungol ye ou anì wen kligal ye.

Kem Lingón 34:22

Tendo gel lenwà Dwata yó kem kun tau. Yó kem tau gel hofin béléen, hnifóten yó kem salà le.

Kem Lingón 34:7

Wen hógów Dwata gu bè longit gel mentey yó kem tau wen klikò le du, ne lenwaen lu bè yó kem gónón wen gfà le.

Kem Lingón 34:8

Tilów nimónem Dwata dé anì gnómem yóm tey kehyuhen. Bong kligal le kul yó kem tau gel hofin béléen.

Kehewà 1:7

Okóm yó kem sfu le, yóm bnoluy le kem tau Israél sónmò le mból. Tey kwen le ne tey le kemgis. Botong tô gotu lengeb le yóm benwu Idyip.

Isaya 63:9

bè yóm kdê gónó le glayam. Sundu hógów Dwata gu bè longit du yóm lemwà kul, kaem tódô Dwata. Yó gónón mò du, lemwót bè yóm kbong nawahen kul ne yóm kkoduhen kul. Tey tendo gel kesegyoken kul lemwót bè kbuten,

Jirimaya 14:9

Moen de ke laen dù gmoem, lómón yóm sendalù là gbeken du tmóbóng? Uu se hol nô bélê me, Dwata, ne mi se yó kem kóm tau. Hol béem abay tódô bayà mi.”

Jirimaya 15:21

Angat hewau uu lem tdok yó kem tau gel mò sidek ne lem tdok yó kem tau tô hmatay kóm.” Là gomongen bè nili yóm tsaptér 16 kól bè tsaptér 17:4. Yó tulónen yóm là kóyô Dwata ke myehen Jirimaya. Là móyô Dwata snéen ke mung bè mulu ne ke mógów bè gónó modung, duhen ke mung bè yó kem gel kehligal le ke wen gel ken le bè yó kem gel dsù le. Yó gónó Dwata là móyô ke gbót Jirimaya bè yóm gel kehligal le yó, kóyóen ke dilô yó kem tau yóm angat kkóhen du bélê le yó kem dê gel hnigal le yó.

Amus 9:12

Ne bud gfun yó kem tau Israél yó kem dù tau tebel bè Idom dalang se yó kem tau bè klamangen benwu gel mit du yóm dou boluy. Ou se yóm sana Dwata hol gónó mogot yóm mudél ni ne angat dnohò nmou nim ni.”

Malakay 3:1

Yó balaen kul yóm Dwata laen dù là gbeken du, monen, “Ngem, angat wen hógówu elem blóng ye mò eles hemtifes yóm angat lanu. Ominen yó tódô mekto sut elem yóm kun Gónô yóm tendo nangat ye, duhen yóm Dwata hol gónó mogot. Yóm hógówu tendo gel nangat ye yó, dohò sut se kun mò hetngón du kuy yóm deng senfasad tekuy.”

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Kun Snulat Jan 17:15

Là hnihu du béléem, Mà, ke kóhem lu lem benwu. Okóm yó hol hnihu béléem anì kenlungem lu bè Seitan.

Kul Nmò 15:17

Angat gotu hnebel le ou snéen kdê yó kem dumu tau te tonok, yó kem tau là Ju le, abay se deng tnabahu lu se kul mò dou tau.

Sulat Pol Ebè Yó Kem Tau Hemtahu Bè Rom 8:23

Là són du lu gemnóm du nim ni, okóm tekuy snéen kem tau hol gónóhen nô yóm Tulus Dwata, yóm hol tanay basa Dwata tekuy lemwót bè yóm alì kehkoso tekuy yóm kdaw kehegfan Dwata du yóm deng kngaen tekuy, ne yóm kehlomihen yóm lówó tekuy.

1 Kurin 10:4

Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

1 Kurin 10:9

Ne sotuhen, hol bê te abay tnilów yóm gónó tekuy mogot. Wen se bélê le tehe mò du ekni, ne gotu le matay lan ulal mékét kul.

Dwata 28:10

Lemwót bè nim nmò Dwata bélê ye ni tódô kdê yó kem tau bè klamangen benwu angat gotu mton du yóm deng kélék Dwata kuy mò hol kun tau ne gotu le likò kuy.

Dwata 33:17

Yóm Jusif, hol mkél bè kgis safì tudu. Yóm hangahen, mkél bè hanga yóm safì tudu alì mayal nô lem bnes. Kehlingónu du yóm hangahen yó, yó se yó kem hilu libu sfu Manasi, yóm ngaen twogu ne yó kem hilu folò libuhen sfu Ifraim, yóm ngaen twoli. Mlan bè yó kem hangahen yó, gotu snukóten yó kem dumu but benwu, gotu lohen lu efet kól bè són tonok.”

2 Timuti 4:18

Ne angat bud lenwaen ou he yóm gónó tekuy mogot ke wen bud tô dumu gfau, ne hlós nwiten o ebè tum kun benwu nogot bè longit. Bê te abay lensón yóm kut kdóyón du.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Hibru 11:21

Ne bè yóm deng bud kun ktuha Jakub, lemwót bè yóm kehtahuhen du yóm tehe fasad Dwata yó koni, yó gónón wen oluhen eta yó kem lewu téméen bè Jusif gu laanen là deng milot nawahen. Kogolen bè yó, ominen mtud tugeden bè tonok, ne tódô kudung etahen, ne dóyónen Dwata.