Tekang Kbuten 48:14 - Udél Dwata: Gna Kesfasad ne Lomi Kesfasad

¹⁴ Okóm mom senfifay Jakub sigelen. Lemwót sigel kwananen ogoten bè kulu Ifraim yóm ngà twoli. Ne fen ogoten sigel iwóngen bè kulu Manasi yóm ngà twogu.

Tekang Kbuten 48:14 Iomraidhean Croise

Tekang Kbuten 41:51

Yó mon Jusif, “Deng heklifót Dwata dou ne yó kem tehe gónóhu glayam ne yóm khahuu bè yó kem fes lówó mà.” Ne yó gónón moluy du Manasi yóm ngaen twogu.Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Tekang Kbuten 41:52

Yó bud monen, “Deng benlay Dwata ou ngà bè nim benwu gónóhu glayam.” Ne yó gónón moluy du Ifraim yóm gewu ngaen.

Tekang Kbuten 48:13

Ominen yó hemsù ke Ifraim bè iwóng Jakub ne fen suen Manasi bè kwananen.

Tekang Kbuten 48:17

Timbow ton Jusif yóm kogot maen bè kulu Ifraim yóm sigel kwananen, botong sbeweg kegnómen du. Yó nmoen, tô kóhen henmù maen bè kulu Ifraim anì ogoten bè kulu Manasi.

Tekang Kbuten 48:18

Monen mò ke maen, “Sundu, Mà. Ni dii yóm ngà twogu, ogotem bè kuluhen sigel kwananem.”

Kem Lingón 110:1

Yó udél Dwata bè yóm gónóhu mogot, monen, “Myóni bè ni bè kwananu efet gotu heglaanu lu bè soluhem yó kem hohonem, lómón ke nmou lu mò gónóm hmótól tihem.”

Kem Lingón 118:16

Mlan bè yóm tey kfasang Dwata, yó gónó tekuy gemmò bè yó kem hohon tekuy. Tey kfasangen yóm Dwata bè gida.”

Kehewà 15:6

Yóm sigel kwananem, Dwata, tey knikò yóm kgisen, gotu genlaen yó kem hohonem.

Matyu 16:18

Ni tódô tulónu kóm, lemwót bè yóm udélem yó gónóhu moluy kóm Pitér, yó lanen botu. Ne bè nim botu ni gónóhu mbut hbegel yóm kehtahu le béléu yóm kdéen tau hemtahu bè klamangen benwu. Balù yóm hatay, là kô gatuen kul.

Matyu 19:13

Wen se kem tau mit ngà ebè Jisas anì na le e hnok du, ne anì hnihen lu bè Dwata. Okóm yó kem gel lemolò ke Jisas, mom bnólów le lu.

Matyu 19:15

Omin Jisas gotu mnok kul ne mni bélê le bè Dwata, ominen hlós ebè yóm gónón e solu.

Matyu 6:5

Ke mni ye bè Dwata,” mon Jisas, “bê ye dnalang kul kmò yó kem tau hemtedeng knô. Tey le móyô mdà mni bè Dwata lem gónó le gel stifun ne gu bè kilil lan bè gónón wen anì ton tau lu. Tódô tulónu kuy ktahuhen, deng gotu guta le ne kul ofol yó kem tau yó bè yóm kdóyón tau kul.

Kun Snulat Luk 13:13

Omin Jisas menok du yóm libun yó, ne tódô henmungen se btol yóm kwangen, ne ya tey kdóyónen ke Dwata.

Kun Snulat Luk 4:40

Tikóng deng sdef kdaw, tey wen tau gemnóm dê kay des nit le ebè Jisas. Gel nnok Jisas lu ket kul ne sotu, ne tódô gotu kóhen se yó kem des le.

Kul Nmò 13:3

Tahu se. Bud bud le fasting, ne mni le bè Dwata. Omin le semsnok kul le Barnabas lewu le Sol, omin le hewót kul.

Kul Nmò 6:6

Yó nmò yó kem tau mélék kul, gotu nwit le lu ebè yó kem hógów Jisas. Ne lemwót yó kem hógów Jisas, gotu nenok le lu, ne mni le bélê le bè Dwata.

Dwata 34:9

Yó tles Musis duhen Juswa yóm ngà Nun. Tey tau hulung hedem abay se deng tehe nnok Musis ta kuluhen bè yóm kéléken du mò tlesen. Tey kimón le ke Juswa yó kem tau Israél ne lolò le yóm kdê hlau Dwata hlanen bè Musis.

1 Timuti 4:14

Béem hnuda yóm kenhulung deng tehe blay Dwata kóm hlanen bè kul udél yó kem tugoden, ne bè yóm knok le kóm ne yóm kni le béléem bè Dwata yó kem tuha gel malak bè simbahan.

1 Timuti 5:22

Béem lenangaf mélék tau mò malak bè simbahan. Déke wen gónón teklé, gomongi myak béléen. Hol nmoem yóm nmò laen dù belenen.