Tekang Kbuten 48:11 - Udél Dwata: Gna Kesfasad ne Lomi Kesfasad

¹¹ Mon Jakub mò ke Jusif, “Bè yóm gnan kdaw, là kem bud henkólu du ne ke bud tonu uu. Bede bè kun kmò du Dwata, botong naw gafit ton lu ni kem ngaem.”

Tekang Kbuten 48:11 Iomraidhean Croise

Tekang Kbuten 37:33

Ne tódô dilô tuha logi se kun, monen, “Tahu se, kun nes nim ni. Deng wen ógóf lem bnes msék du. Deng tahu wen ógóf msék du yóm ngau Jusif.”

Tekang Kbuten 37:35

Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Tekang Kbuten 42:36

Yó mon mà le mò kul, “Kóyô ye kô ke gotu lana béléu kem ngau? Là bud tonu ke Jusif, là bud tonu ke Simyun ne ni bud tô nwit ye hlayuk béléu Bindyamin. Ten-geed ye hmayam hlangag dou.”

Tekang Kbuten 45:26

Bè yóm kkól le béléen, mon le mò du, “Ó Mà, tolo mowil he Jusif. Deng du gubérnor bè klamangen Idyip nim kmoen ni.” Tódô neb Jakub, balù udì ke hentahuhen lu.

Tekang Kbuten 48:10

Là holen bud gmefet ketngel Jakub lemwót bè yóm deng tey ktuhahen, yó gónón là hol bud mton. Omin Jusif mit kul hloni ebéléen yó kem ngaen ne sket lenkefen lu yóm tuha logi lelen melek kul.

Tekang Kbuten 48:12

Omin Jusif ma yó kem ngaen nô klohok bukol témê le ne tódô hegdufok ebè tonok bè solu maen.

Kem Lingón 128:6

Dwata he hol htahà klowilem anì angat gafit tonem lu yó kem tmémê béléem. Dwata he hol henek nawa le yó kem tau Israél.

Kem Udél Hlalak Tehe Selumun 17:6

Yó kem tuha salù le yó kem témê le ne yó kem ngà salù le yó kem tuha le.

Ifisus 3:20

Duhen yó, hol gel dóyón tekuy dé Dwata, lemwót bè yóm alì kegbeken bélê tekuy, tey bong he yóm kun kegbek tmóbóng tekuy senta yóm gel hni tekuy béléen, ne senta yóm gel hendem tekuy snéen.