Tekang Kbuten 48:10 - Udél Dwata: Gna Kesfasad ne Lomi Kesfasad

¹⁰ Là holen bud gmefet ketngel Jakub lemwót bè yóm deng tey ktuhahen, yó gónón là hol bud mton. Omin Jusif mit kul hloni ebéléen yó kem ngaen ne sket lenkefen lu yóm tuha logi lelen melek kul.

Tekang Kbuten 48:10 Iomraidhean Croise

Tekang Kbuten 27:1

Deng tey tuha ne Isak, lelen butô. Sotu kdaw bè yó, htabahen Iso yóm ngaen twogu ne monen mò du, “Ó Ngà.” Bnalà Iso se, monen, “Yó du, Mà.”

Tekang Kbuten 27:27

Bè yóm igoen hloni ebè maen na a melek du, gungef Isak boo yóm nes leseken ne yó gónón molu du, monen, “Yóm tey klinggel boo yóm ngau, hol lómón ke boo yóm tonok deng tnóbóng Dwata.

Tekang Kbuten 31:55

Ne hol hlafus bè yó, gotu nelek Laban lu yó kem téméen ne yó kem ngaen libun, ominen mbal kul ne mulék ebè benwuhen.

Tekang Kbuten 45:15

Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

Tekang Kbuten 48:11

Mon Jakub mò ke Jusif, “Bè yóm gnan kdaw, là kem bud henkólu du ne ke bud tonu uu. Bede bè kun kmò du Dwata, botong naw gafit ton lu ni kem ngaem.”

Tekang Kbuten 48:8

Timbow ton Jakub yó kem lewu ngà Jusif ominen smólók ke Jusif, monen, “Kem ngà kul se ni du?”

1 Bok Kem Tau Hol Geta 19:20

Tódô tebel Ilaysa yó kem safien ne ktesen Ilaydya, yó monen mò du, “Nahu na nelek mau dé ne yéu mò balu kul lemwót, ominu yó mung kóm.” Yó balà Ilaydya du, monen, “Yó sen, okóm hol hendemem yóm deng nmou béléem.”

Kehedem Tau Tmolok 12:3

Angat kól yóm kdawen gotu kenkel gu lem sigelem, ne gu lem tihem laen dù bud kgisem. Yó kem nihihem là holen bud wen dù tebel mò sfaem, ne là se holen bud gmefet ketngelem.

Isaya 59:1

Ofo kuy mon du ke yó gónó Dwata là lemwà kuy abay se là bud gbeken du ne. Ne yó gónón là hmungol du yóm gel kehtóbóng ye béléen abay se deng bokong. Là kô yó du.

Isaya 6:10

Omin Dwata bud mon du mò do, “Yó kem tau alì mgel kulu le yó, henbalingem lu tau là hulungen hedem. Hol hbokongem lu, hol hbutóem lu anì là getnef le du lanen yóm ton le ne yóm gungol le. Abay se ke getnef le, déke beklil le ebéléu na le e hkó béléu salà le.”

Dwata 34:7

Bè yóm katay Musis, deng lematu lewu folò ne halayen, bede sana tolo kekgisen ne sana tolo kehyu ketngelen.

1 Samwél 3:2

Sotu kifu, lemwót Ili tungô lem dfélen bede là buden hol mton.

1 Samwél 4:15

Deng syóm folò wolu ne halay Ili ne là buden hol mton.