Tekang Kbuten 47:7 - Udél Dwata: Gna Kesfasad ne Lomi Kesfasad

⁷ Omin Jusif hdilô ke maen bè Faro. Yóm kdà Jakub bè yó, yó monen mò ke Faro, “Dwata he hol tmóbóng kóm.”

Tekang Kbuten 47:7 Iomraidhean Croise

Tekang Kbuten 14:19

Bè yóm keston le, ominen mni ke Abram bè Dwata, monen, “Yó hem Dwata hol geta bè kdéen, yóm Dwata tehe mò longit ne tonok, tendo tmóbóng kóm, Abram.

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 47:10

Omin Jakub mbal lemwót, bud monen mò ke Faro, “Dwata he hol tmóbóng kóm.”

Tekang Kbuten 47:8

Ne snólók Faro Jakub, monen, “Deng hilu ne halayem?”

2 Samwél 14:22

Botong lemfen bè tonok Juab bè solu yóm tau hol geta, botong kadaten du. Yó mon Juab, “Dwata he hol muyag kóm, Sér. Deng tngónu ne ni hligali béléu, abay se nmoem yóm hnihu.”

2 Samwél 19:39

Omin le gotu mifal Él Jurdan yóm kdéen tau, ne mifal se kun ke Dabid. Nahen nelek Barsilay, ominen mni béléen bè Dwata. Omin Barsilay mulék ebè yóm kun benwu.

1 Bok Kem Tau Hol Geta 1:47

Deng le gotu mógów ebè Dabid yóm kdê genlalen na le e hegfan béléen yóm kehyu nawa le bè yóm deng nmoen yó, mon le, ‘Yó hem Dwata hol htótól ke Selumun senta yóm kóm któtól, ne hegetahen yóm kun benwu nogot senta yóm kóm nogot.’ Omin yóm tau hol geta mni bè Dwata bè yóm gónón hlilil bè katrihen,

1 Bok Kem Tau Hol Geta 8:66

Timbow deng yóm kehligal le yó, omin Selumun gotu hulék kul. Bè yóm kulék le tey kdóyón le ke Dwata bè yóm tau hol geta le, abay se lemwót bè yóm alì kehyu nmò Dwata bè tehe Dabid yóm tau tóbóng lówóhen, dalang se bè yó kem tauhen Israél.

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”

Kehewà 12:32

Gotu nwit ye kem ubiha ye ne kem kambing ye ne kem safì ye. Géhél ye lemwót ne, ne hol ye mni béléu se do bè Dwata.”

Matyu 26:26

Yóm igò le tolo mken, nwa Jisas yóm mambang, bede nan ne mni bè Dwata. Ominen kembéng du, ne blayen yó kem gel lemolò du, yó monen, “Ni se yóm dou lówó. Nwa ye, ne ken ye.”

Kun Snulat Luk 22:19

Ominen bud ma yóm mambang, ne nan bud dóyón Dwata, ominen yó kembéng du, ne blayen kul, monen mò kul, “Nim mambang kenbéngu bélê ye ni, ni se dou lówó angat gamà bélê ye. Ken ye mò gónó ye hemtulón dou nawa.”

1 Pitér 2:17

Hol nadat ye kdéen tau. Hol kenbong ye nawa yó kem dumu ye deng hemtahu. Hol knikò ye Dwata. Hol nadat ye yóm tau hol geta bélê ye.

1 Samwél 2:20

Gu laan le là deng mulék le Ilkana lewu le tuha libunen ebè benwu le, na hni Ili lu bè Dwata ne monen mò kul, “Dwata he bud bemlay kuy ngà mlan bè nim libun ni mò tles nim ngà deng blayen ebè Dwata.” Omin le yó mulék.