Tekang Kbuten 47:6 - Udél Dwata: Gna Kesfasad ne Lomi Kesfasad

⁶ Yóm benwu Idyip hol lómón ke kul funen. Suem lu bè Gusén bè yóm gónón alì hyu tonoken. Ke wen bélê le alì hulung semgyok safì, hesegyokem kul yó kem dou safì.”

Tekang Kbuten 47:6 Iomraidhean Croise

Tekang Kbuten 13:10

Tahu se, temngel gu hilol Lat, tonen yóm klamang datal él Jurdan, tey wen él mlel bè yó efet kól bè Sur, skél bè yóm tehe hungul koyu Dwata ne bud skél bè benwu Idyip snéen. (Nim kestulón le Abram ne Lat ni, là deng genlà Dwata du he yó kem syudad Sodom ne Gomora.)

Tekang Kbuten 13:9

Yó hyu ke slayuk te. Méléki mahi du nóyô gónóm menwu. Ke nóyóem fi bè iwóng, dou fi bè kwanan. Ke nóyóem fi bè kwanan, dou fi bè iwóng.”

Tekang Kbuten 20:15

Yó mon Abimélék mò ke Abraham, “Tenngelem yóm klamang benwu nogotu. Méléki nô kihu nóyô gónóm nô.”

Tekang Kbuten 34:10

Gbek ye menwu lem blóng me, balù kihu benwu nóyô ye. Menwu ye dini, ne gbek ye mò udél swa bélê me snéen, ne gbek ye ma tonok bélê me.”

Tekang Kbuten 45:10

Ke dengi kól bè ni, bè benwu Gusén gónóhem nô anì monihi béléu, dalang se yó kem ngaem ne yó kem téméem ne yó kem ubihahem, kem kambingem ne kem safiem ne yóm kdê dumu nfunem.

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 47:11

Tahu se, sù Jusif le maen ne yó kem dumuhen setwoli bè yó bè Idyip, suen lu bè yóm gónón alì hyu tonok moni bè syudad Ramisis, hol lómón yóm deng mon Faro mò du.

Tekang Kbuten 47:16

Bnalà Jusif se lu, monen, “Ke laen se dù bud filak ye mò bli ye ken, nwit ye edini ógóf ye mò luluken.”

Tekang Kbuten 47:4

Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Tekang Kbuten 47:5

Ne yó mon yóm Faro mò ke Jusif, “Tey hyu yóm kegdek le bè ni le maem ne yó kem dumuhem setwoli.

1 Bok Kem Tau Hol Geta 11:28

Yóm Jirubuam tau wen kenhulungen, ne timbow ton Selumun yóm tey kegeden, yó gónón halak du du yó kem tau gel mò nmò lemwót bè kul tbong le Ifraim ne Manasi.

2 Tutul Israél 26:10

Wen se kem gónô geta mbegel hefdaen ditu bè yóm benwu laen hol wen tauhen, ne tey wen kem kokol hokolen bè yó snéen, abay se tey wen kem ógófen nô bè yó kem but bulul bè Juda ne bè yó kem datalen. Tey móyô mò nmò bè tonok snéen. Tey wen kem tau mò nmò béléen mò semgifà yó kem huluhen ne yó kem gónón hmulu grép bè yó kem but bulul ne bè yó kem gónón hyu tonok.

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kehewà 18:25

ne wen kem tau hulung malak néléken bè yó kem tau Israél. Wen néléken mò malak bè lemibu tau ne wen se néléken mò malak bè lematu tau ne wen se mò malak bè limu folò tau ne wen se bè sfolò tau.

Kehewà 9:10

Tahu se, ma le kohù le Musis ne mdà le bè solu Faro. Omin Musis smohul du eta yóm kohù yó ne gotu le hnisa yó kem tau ne yó kem ógóf le ne baling mgas bè lówó le.

Kehewà 9:21

Okóm yó kem dumu, là kô kenmón le du kul yóm eles hetgama Dwata kul yó. Tódô bayà le lu bè lewà yó kem hesek le ne yó kem ógóf le.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

Jirimaya 40:4

Ni kóhu béléem yóm fét kedina bè henmuem anì gliwai. Ke móyói mung do ebè Babilun, mungi ne ou he semgifà kóm ditu. Okóm ke là móyói mung, tódói tebel bè ni. Kihu kóm nóyô gónó e solu bè klamangen nim benwu ni.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

1 Samwél 21:7

Blaem bè yóm kdaw yó, nô bè yó Dóg yóm tau Idom geta bè yó kem tau semgyok ógóf Sol. Yó nmoen bè yó, mung bè yóm gel lolò le bè yóm khólós le.