Tekang Kbuten 47:4 - Udél Dwata: Gna Kesfasad ne Lomi Kesfasad

⁴ Hlun me mógów edini abay se tey bitil bong bè yóm kum benwu bè Kanan. Laen dù gónó me hótób yó kem ógóf me. Ke yó yóm hyu béléem, suem mi bè Gusén.”

Tekang Kbuten 47:4 Iomraidhean Croise

Tekang Kbuten 12:10

Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu.

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 43:1

Deng tey sidek ne yóm kbel bitil bong bè Kanan.

Tekang Kbuten 45:10

Ke dengi kól bè ni, bè benwu Gusén gónóhem nô anì monihi béléu, dalang se yó kem ngaem ne yó kem téméem ne yó kem ubihahem, kem kambingem ne kem safiem ne yóm kdê dumu nfunem.

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 47:5

Ne yó mon yóm Faro mò ke Jusif, “Tey hyu yóm kegdek le bè ni le maem ne yó kem dumuhem setwoli.

Kem Lingón 105:23

Omin Jakub gdek bè Idyip yóm bnoluy le Israél, ne nô bè tonok Ham yóm benwu gónón milo.

Isaya 52:4

Bè yóm tehe kilo ye ebè Idyip, tódô lemwót bè kuy kóyô yóm knô ye bè yó. Bong bè yóm tehe kegef le kuy bè benwu Asirya, tódô lemwót bè kul kgis yóm kegef le kuy yó, laen se dù filak bli le kuy.

Kul Nmò 7:11

Ne tikóng kogolen bè yó,” mon Stéfén, “na a mbel yóm tey bitil bong. Tódô lenngeben klamangen benwu Idyip, dalang se bè Kanan. Tey keglayam kem tau. Laen dù bang gónó le ma ken yó kem tehe fù tekuy.

Kul Nmò 7:6

Yó udél Dwata ebéléen, monen, ‘Yó kem angat lugodem, angat fat latu halayen kegen le geklifen bè yóm benwu là kul benwu du, ne tey le meflayam bè yó.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.