Tekang Kbuten 47:30 - Udél Dwata: Gna Kesfasad ne Lomi Kesfasad

³⁰ Yó nóyóu ke hol lebeng ye ou ditu bè yóm tehe gónón lebeng kem fuu. Nit ye hewà bè ni bè Idyip lówóhu, hol lebeng ye ditu bè yóm tehe gónó le lembeng kul.” Mon Jusif se, “Nmou béléem, Mà, yóm monem mò dou yó.”

Tekang Kbuten 47:30 Iomraidhean Croise

Tekang Kbuten 15:15

Okóm kóm, angat gsengel ktuhahem ne menek kegnómem du bè yóm katayem ne hyu kebeng le kóm.

Tekang Kbuten 23:17

Kewóten bè yó, Abraham ne tles mfun du yóm tehe tonok Ifron bè Makpila, fi dmata kdaw yóm benwu Mamri. Gomong du yóm kilib gónó lembeng ne yó kem koyu mteg gu bè yó efet kól bè kilil yóm tonok yó.

Tekang Kbuten 23:19

Omin Abraham yó lembeng ke tuha libunen Sara bè yóm kilib bè benwu Kanan.

Tekang Kbuten 25:10

Yóm tonok ni, deng tehe eles benli Abraham bè yó kem tau Hitayt. Bè yóm kilib yó gónó le lembeng ke Abraham ne tuha libunen Sara.

Tekang Kbuten 25:9

Bè yóm katayen, lebeng Isak lewu le Ismaél bè kilib Makpila, bè yóm tonok fi dmata kdaw yóm benwu Mamri, yóm tonok tehe nfun Ifron ngà Suhar, yóm tau Hitayt.

Tekang Kbuten 35:29

Ne lebeng yó kem lewu ngaen, Iso ne Jakub.

Tekang Kbuten 50:25

Omin Jusif hsafà kul, monen, “Safà ye dou yóm hol bud kwit ye lówóhu ke deng bang Dwata bud mit kuy mulék ebè yóm benwu tu.”

2 Samwél 19:37

Ke denge kól fatu, bud hulékem ou anì yó mataye bè yóm dou benwu, moni bè lebeng le mà lewu le yê. Okóm ni ngau Kimham, nwitem, ne nmoem béléen yóm hyu béléem.”

1 Bok Kem Tau Hol Geta 13:22

Dengi se bud mulék edini ne mken ne minum él igò Dwata tehe mon du mò kóm, béi mken ne béi minum él bè yóm benwu yó. Lemwót bè nim deng nmoem ni, là kô lebeng le kóm bè yóm gónó le lebeng yó kem tehe fuem.’ ”

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

Nihimaya 2:5

ne monu bè yóm tau hol geta yó, “Ke yó dum hyu bè nawam ne ke yó dum móyói du yóm tô hnihu béléem, hógówem o ebè benwu Juda, bè yóm syudad tehe gónó le lembeng yó kem tehe fuu anì bud hdau yóm syudad yó.”

Dwata 31:16

Yó mon Dwata mò ke Musis, “Bang kukol towokem ne. Kesoki deng matay, là kô le bud teneb béléu ne yó kem tau ne angat nulé le yóm deng senfasad tekuy. Tódô knogol le ou ne tmaba le ebè yó kem dwata kéng yó kem tau nô ta yóm tonok móyón hnusek le.