Tekang Kbuten 47:25 - Udél Dwata: Gna Kesfasad ne Lomi Kesfasad

²⁵ Bnalà le se, mon le, “Deng hlowilem mi, Sér. Tey hyu yóm nmoem bélê me. Tódô me baling hesek bè Faro ne ni.”

Tekang Kbuten 47:25 Iomraidhean Croise

Tekang Kbuten 18:3

Yó monen mò kul, “Ó kem Sér, ke hyu bélê ye, na ye hol slob béléu.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

Tekang Kbuten 33:15

Mon Iso se, “Ke lómón yó se kmonem du, yake wen bè yó kem dou tau tebelu béléem mò tmóbóng kóm.” Okóm bnalà Jakub, monen, “Dog ne, syan se deng mulék hyu nawahem ebéléu.”

Tekang Kbuten 41:45

Hyu wen boluy tau Idyip boluyen ke Jusif yóm Faro yó. Yó boluyen du, Safinat Paniya. Ne hyehenen du yóm ngà Putifira libun boluyen Asinat. Yó kun gel nmò Putifira, du se sotu tau gel demsù ebè yó kem kul dwata lennged yó kem tau Idyip ne nô bè yóm syudad boluyen Hiliyupulis. Deng tlu folò ne halay Jusif yóm kbut kmoen nmò bè yóm Faro bè Idyip. Lemwót Jusif bè yó bè gónô Faro, gotu nauyen yóm kdéen benwu glem lem Idyip.

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Tekang Kbuten 47:26

Duhen yó, wen udin nmò Jusif bè klamangen Idyip, duhen yóm keblay le du bè Faro yóm glimu yóm gel nuta le. Nim udin nmoen ni, là kóen lana efet nim kmoen ni. Són tonok là gfun Faro du, són yóm kul tonok yó kem tau gel demsù ebè yóm kul dwata kéng bè yó bè Idyip.

Tekang Kbuten 50:20

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

Tekang Kbuten 6:19

Miti ket stengeb bè yó kem kentihen ógóf lemowil talak tonok ne kentihen onuk koyu anì gomong le mowil bélê ye.

Rut 2:13

Bud mon Rut mò du, “Tey kat kehyu kmoem ebéléu, Sér. Hol udél hemyu nawa yóm udélem ebéléu yó, igoen là kóe senged bè yó kem tau gel dókem. Olohu tau moyok néen dou.”