Tekang Kbuten 47:24 - Udél Dwata: Gna Kesfasad ne Lomi Kesfasad

²⁴ Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Tekang Kbuten 47:24 Iomraidhean Croise

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Tekang Kbuten 14:21

Yó monen mò ke Abram yóm tau hol geta bè Sodom semlong du yó koni, “Kóm du ne yó kem kimu deng bud nitem mulék yó, okóm hol hulékem dou yó du kem dou tau.”

Tekang Kbuten 28:22

Nim botu deng hdau eta ni mò gel heftulón du bè nawahu yóm deng kehegfanem béléu bè yóm benwu ni. Ne bè ni se angat gónóhu bud tmaba ebéléem. Ne kdê yó kem blayem dou, bud blayu kóm yóm gesfoloen.”

Tekang Kbuten 41:34

Ne budi mélék kem tau, nmoem glal le mò fen semtifun badem bè yó kem nuta tau lem yóm hitu halayen kegenen bong nuta. Yó kmò kbad le kóm yó kem tau, bad limu.

Tekang Kbuten 47:23

Yó mon Jusif mò yó kem tau, “Ngem, deng benlihu yu mò nfun yóm Faro, gomong tonok ye. Ni wen bnék mò hulu ye bè kem dnadu ye.

Tekang Kbuten 47:25

Bnalà le se, mon le, “Deng hlowilem mi, Sér. Tey hyu yóm nmoem bélê me. Tódô me baling hesek bè Faro ne ni.”

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Kem Lingón 41:1

Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.

Dwata 26:12

Bè ket getluhen halay, hol blay ye yóm gesfoloen gel bad ye ke Dwata bè kem hulu ye bè yó kem sfu Libay ne bè yó kem tólóng tau menwu lem blóng ye ne bè yó kem ngà hikit ne bè yó kem libun bolu. Yó gónó ye mò du nim ni, anì yó ket tau bè ket benwu ye wen kun gónó ma mò ken le. Ke deng nmò ye nim ni,