Tekang Kbuten 47:23 - Udél Dwata: Gna Kesfasad ne Lomi Kesfasad

²³ Yó mon Jusif mò yó kem tau, “Ngem, deng benlihu yu mò nfun yóm Faro, gomong tonok ye. Ni wen bnék mò hulu ye bè kem dnadu ye.

Tekang Kbuten 47:23 Iomraidhean Croise

Tekang Kbuten 41:27

Yóm hitu safì kmangkang hesut huli ne yóm hitu kanguy halay kafa, yó hnigaden hitu halayen kegenen mbel bitil bong.

Tekang Kbuten 45:6

Hanà gewuhen halay ni he mlan yóm bitil bong, limu halay he duen laen dù dmadu ne laen se dù muta.

Tekang Kbuten 47:22

Són tonok là benli Jusif du, són yóm kul tonok yó kem tau gel demsù ebè yóm kul dwata lennged bè yó bè Idyip. Là hbalù le du yóm kul tonok abay se tendo wen ken gel blayen kul yóm Faro mò lowil le.

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Kem Lingón 41:1

Ya tey kehligal le kul yó kem tau gel tmóbóng yó kem tau élél. Sal gel lenwà Dwata lu bè yóm gónón wen hlayam le.

Kem Udél Hlalak Tehe Selumun 11:26

Tey ktuled kem tau du yóm tau gel hembalù ke tlek temginof halay, okóm meguyag se kun yóm tau tódô kendel hembalù halay.

Kem Udél Hlalak Tehe Selumun 12:11

Sal gel wen kenen yóm tau gel mò nmò bè tonok, okóm yóm tau gel nmungen yó kem atul laen dù muhen là hulungen hedem.

Kem Udél Hlalak Tehe Selumun 13:23

Tey hyu huluhen yóm tonok yóm tau élél hanà lomi kebà du, okóm lemwót bè yóm là ktedeng nmò kem dumu tau fen heklanas du.

Kehedem Tau Tmolok 11:6

Holi heged mulu yóm kdê kay hulu, là kô tngónem du ke mahi du tmowok bélê le, duhen ke tódô kdê le gotu tmowok.

Isaya 55:10

“Yóm udélu,” mon Dwata, “hol lómón yóm kulón ne snu lemwót gu bè longit. Tódô henek te tonok, htowoken yó kem hulu anì wen mò bud gel hulu ne wen se mò ken.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

2 Kurin 9:10

Dwata se gel bemlay yóm lem hulu mò hulu yó kem tau anì wen ken le. Bud lemwót bè Dwata snéen yóm gel blay tekuy, hol lómón ke lem hulu mò hulu tekuy. Ne bud Dwata se htowok du anì wen tey nuta tekuy.