Tekang Kbuten 47:22 - Udél Dwata: Gna Kesfasad ne Lomi Kesfasad

²² Són tonok là benli Jusif du, són yóm kul tonok yó kem tau gel demsù ebè yóm kul dwata lennged bè yó bè Idyip. Là hbalù le du yóm kul tonok abay se tendo wen ken gel blayen kul yóm Faro mò lowil le.

Tekang Kbuten 47:22 Iomraidhean Croise

Tekang Kbuten 14:18

Ne bud semlong se kun ke Mélkésédék, yóm tau hol geta bè Salim. Du se bud gel blóng le ebè yóm Dwata hol geta bè kdéen. Wen mambang slongen ke Abram mung du yóm tifas grép gel ninum le.

Tekang Kbuten 41:45

Hyu wen boluy tau Idyip boluyen ke Jusif yóm Faro yó. Yó boluyen du, Safinat Paniya. Ne hyehenen du yóm ngà Putifira libun boluyen Asinat. Yó kun gel nmò Putifira, du se sotu tau gel demsù ebè yó kem kul dwata lennged yó kem tau Idyip ne nô bè yóm syudad boluyen Hiliyupulis. Deng tlu folò ne halay Jusif yóm kbut kmoen nmò bè yóm Faro bè Idyip. Lemwót Jusif bè yó bè gónô Faro, gotu nauyen yóm kdéen benwu glem lem Idyip.

Tekang Kbuten 41:50

Gu laanen là deng mbut mbel bitil bong, deng lewu ne ngà logi Jusif bè Asinat yóm tuha libunen.

Tekang Kbuten 47:21

Gotu le baling hesek bè Faro yóm kdéen tau bè klamangen Idyip.

Tekang Kbuten 47:23

Yó mon Jusif mò yó kem tau, “Ngem, deng benlihu yu mò nfun yóm Faro, gomong tonok ye. Ni wen bnék mò hulu ye bè kem dnadu ye.

Tekang Kbuten 47:26

Duhen yó, wen udin nmò Jusif bè klamangen Idyip, duhen yóm keblay le du bè Faro yóm glimu yóm gel nuta le. Nim udin nmoen ni, là kóen lana efet nim kmoen ni. Són tonok là gfun Faro du, són yóm kul tonok yó kem tau gel demsù ebè yóm kul dwata kéng bè yó bè Idyip.

Isra 7:24

Hol bê ye se abay ma bwis bè yó kem tau gel blóng ebè Dwata ne bè yó kem sfu Libay ne bè yó kem tau gel semngal lem Gónô Dwata ne bè yó kem gel mentey bè yó ne bè yó kem tau gel mò nmò bè yó lemen, dalang se yó kem dumu tau wen gel nmò le bè Gónô Dwata, hol bê ye abay ma bwis bélê le.

Matyu 10:10

Bê ye se abay mit bag, ne olon sotu kgal lesek ye, bê ye abay mit mò gewuhen. Bê ye mit tlumfà, duhen ke tuged. Abay se knóón bè yó kem tau mò nmò ke tódô benlay yó kem tau gónó le mò nmò ke wen gónó le élél.

1 Kurin 9:13

Deng hónô tngón ye se bè yó kem tau gel mò nmò bè Gónô Dwata, són bè yó se gónó le mowil. Ne dalang se yó kem tau gel demsù ebè Dwata bè yó, wen se kul mdengen ólól bè yóm utón gel hedsù le kul ebè Dwata.

Glasya 6:6

Sotuhen, ke wen tau tmolok udél Dwata bélê ye, bong knóón ke gel benlay ye ke gel wen ton ye.

Dwata 12:19

Bè yóm klawi ye mowil ta yóm tonok ye, hol bê ye hnuda lu yó kem sfu Libay menwu lem blóng ye.

2 Tisalunika 3:10

Bè yóm tehe knô me bélê ye dyó ekni, wen hlolò me kuy, “Yó se tau là moen nmò, béen dog mken.”

1 Timuti 5:17

Yóm tau tilob kesgalaken kem dumun tau bè simbahan, hol knóón béléen ke hol henyu ye keblay ye du ofolen. Hol nê yóm tau ke alì gotu nawahen tmolok du yóm Udél Dwata, ne ke hol henkimeden yóm gel ktoloken.