Tekang Kbuten 47:18 - Udél Dwata: Gna Kesfasad ne Lomi Kesfasad

¹⁸ Timbow deng mfu yóm halay yó omin le bud mlóy ebè Jusif, mon le mò du, “Ó Sér, laen dù bud bnos me béléem. Deng gotu filak me ne deng gotu kól béléem kdê ógóf me. Laen dù bud dumu bli me béléem són lówó me ne són tonok me.

Tekang Kbuten 47:18 Iomraidhean Croise

Tekang Kbuten 47:17

Tahu se, gotu nwit le ebè Jusif yó kem ógóf le ne benlayen lu ken mò luluk yó kem kudà le ne kem ubiha le ne kem kambing le ne kem safì le ne kem kudà asnu le. Bè yóm halay yó, gotu lenuluk Jusif ken yóm kdê ógóf le.

Tekang Kbuten 47:19

Béem hlus mi matay, holi mebel kut lan. Ne hol béem bayà se tonok me. Tódô benlihem lówó me ne tonok me mò luluk me ken. Ke yó se nmoem, baling me ghesek bè Faro ne du mfun yó kem tonok me. Benlayem mi ken anì là matay me lemnus ne bud benlayem mi bnék anì wen hulu me bè yó kem dnadu me.”

2 Bok Kem Tau Hol Geta 6:26

Sotu kdaw, yóm igò yóm tau hol geta bè Israél mógów ta yóm beng syudaden, wen sotu libun tmaba du, monen, “Ó Sér, hol tnóbóngem o dé.”

Jirimaya 38:9

“Ó Sér, tey sidek nmò le bè Jirimaya yóm tau tugod Dwata. Tódô hloyol le elem tum sol gónó le gel hemyu él tódô hono hitok. Là kóen legen angat matay lemnus mtu kdeng, abay se móyón gotu yóm ken bè nim syudad ni.”