Tekang Kbuten 47:17 - Udél Dwata: Gna Kesfasad ne Lomi Kesfasad

¹⁷ Tahu se, gotu nwit le ebè Jusif yó kem ógóf le ne benlayen lu ken mò luluk yó kem kudà le ne kem ubiha le ne kem kambing le ne kem safì le ne kem kudà asnu le. Bè yóm halay yó, gotu lenuluk Jusif ken yóm kdê ógóf le.

Tekang Kbuten 47:17 Iomraidhean Croise

Tekang Kbuten 47:16

Bnalà Jusif se lu, monen, “Ke laen se dù bud filak ye mò bli ye ken, nwit ye edini ógóf ye mò luluken.”

Tekang Kbuten 47:18

Timbow deng mfu yóm halay yó omin le bud mlóy ebè Jusif, mon le mò du, “Ó Sér, laen dù bud bnos me béléem. Deng gotu filak me ne deng gotu kól béléem kdê ógóf me. Laen dù bud dumu bli me béléem són lówó me ne són tonok me.

1 Bok Kem Tau Hol Geta 10:28

Yó kem kudà Selumun, lemwót le gu bè benwu Idyip ne gu bè benwu Silisya. Yó kem tauhen fen gel heblihen du bè Silisya, tódô benlihen bè yóm geblà kul btes.

Job 2:4

Yó balà Seitan ke Dwata, monen, “Yóm tau són gónón dmóyón kóm ke nuyagem. Ke móyô mowil, kaem gotu blayen kdê nfunen.

Kehewà 9:3

angat tnafaku u mlan bè kehwitu yóm des alì sidek ebè yó kem ógóf ye, bè kudà ye ne bè kudà asnu ye ne bè kamél ye ne bè safì ye ne bè ubiha ye ne bè kambing ye.

Isaya 31:1

Deng le gotu golu elem hatay ne yó kem tau na a htóbóng bè Idyip. Tô genléd nawa le yóm tey kgis kem tau Idyip bè gida, abay se wen yóm tey kudà le ne wen yóm tey klitun tók nit le sgida ne yóm tey sendalù wen le. Mom là dog snalig le ke Dwata, yóm kul Dwata yó kem tau Israél yóm Dwata laen kô dù belenen. Là kô le mni tóbóng béléen.

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.