Tekang Kbuten 47:12 - Udél Dwata: Gna Kesfasad ne Lomi Kesfasad

¹² Tendo wen ken gel blay Jusif ke maen ne yó kem dumuhen setwoli ne yó kem dumu fes lówó le efet kól bè yóm hol són imot bélê le.

Tekang Kbuten 47:12 Iomraidhean Croise

Tekang Kbuten 45:10

Ke dengi kól bè ni, bè benwu Gusén gónóhem nô anì monihi béléu, dalang se yó kem ngaem ne yó kem téméem ne yó kem ubihahem, kem kambingem ne kem safiem ne yóm kdê dumu nfunem.

Tekang Kbuten 45:11

Ke dengi nô bè Gusén ou he temdof kuy. Limu halay he duen nim bitil bong ni ne là kóe móyô ke matayi lemnus dalang se yó kem fes lówóhem ne kem ógófem.’ ”

Tekang Kbuten 45:7

Dwata se eles hegna dou edini anì wen lanu tmóbóng kuy anì là matay ye bè nim tey bitil bong ni. Deng kun kmò du Dwata nim ni anì mowil ye dalang se yó kem semfu gu bélê ye.

Tekang Kbuten 47:1

Omin Jusif mit limu bè yó kem dumuhen setwoli etu bè Faro. Yó monen mò du, “Deng le gdek le mà ne yó kem dumuhu setwoli lemwót le gu bè Kanan. Deng gotu nit le yó kem ubiha le ne yó kem dumu ógóf le ne kdê yó kem dumu nfun le. Ne ni, deng le kól bè ni bè Idyip, nô le bè benwu Gusén.”

Tekang Kbuten 47:21

Gotu le baling hesek bè Faro yóm kdéen tau bè klamangen Idyip.

Tekang Kbuten 47:24

Ke sok bang ye muta, nbad ye Faro bad limu. Yóm dù tebel bélê ye mò bnék ye ne mò ken ye dalang se yó kem fes lówó ye.”

Tekang Kbuten 50:21

Laen dù bang knikò ye du. Ou he fen tendo gel temdof kuy dini dalang se yó kem ngà ye.” Ominen yó he menek kegnóm le du yó kem twogu Jusif lemwót bè yóm udélen ebélê le yó.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

1 Tisalunika 2:7

Okóm ke nawa me se hadat bélê ye, là móngóhen, yakà mi du se yó kem nélék Krays mò hógówen. Okóm yóm kmò me kuy, heskél tekuy ebè yóm libun alì ganag nawan semgifà yó kem ngaen.

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

1 Timuti 5:4

Bede ke wen ngà le duhen ke bé le, yó se mò temdof kul, mò towok liteg yê le kul ne bé le. Ni se sotu hol hlolò Dwata yó kem tau deng hemtahu béléen. Ke ni se gel nmò le, tey bong hyu kegnóm Dwata du.

1 Timuti 5:8

Okóm yóm tau deng hemtahu, ke là tendofen du yó kem kun dumu setwoli, hol néen yó kem fes lówóhen, deng knogolen ne yóm kehtahuhen. Mom sidek he kun nmò yóm tau yó senta yóm tau là dengen hemtahu.

Rut 4:15

Tey kbong nawahen kóm yóm towuhem. Anien he ke deng tehe hitu ngaem logi, botong kéng he yóm kul nawa kóm senta yóm kun nawa kóm nim towuhem ni. Ne ni, wen béhem béléen mò bemlay kóm lomi klowil ne mò semgyok kóm bè yóm deng ktuhahem.”