Tekang Kbuten 47:11 - Udél Dwata: Gna Kesfasad ne Lomi Kesfasad

¹¹ Tahu se, sù Jusif le maen ne yó kem dumuhen setwoli bè yó bè Idyip, suen lu bè yóm gónón alì hyu tonok moni bè syudad Ramisis, hol lómón yóm deng mon Faro mò du.

Tekang Kbuten 47:11 Iomraidhean Croise

Tekang Kbuten 46:34

hol tulón ye du, semgyok ógóf yóm kuy sana gel nmò lómón yó kem tehe fù ye ekni anì yó, suen yu bè ni bè Gusén.” Yó gónó Jusif mò du yóm yó abay se yó kem tau Idyip gel kenhisik le yó kem tau semgyok ógóf.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 47:6

Yóm benwu Idyip hol lómón ke kul funen. Suem lu bè Gusén bè yóm gónón alì hyu tonoken. Ke wen bélê le alì hulung semgyok safì, hesegyokem kul yó kem dou safì.”

Kehewà 1:11

Tahu se, yó nmò yó kem tau Idyip, wen tau snigang le mò fen gel dmanda mdók kul yó kem tau Israél, ne tey sidek keblaten yóm gel hmò le kul, anì laen dù bud gónóhen e mefet nawa le. Hefdà le kul yóm syudad Pitum ne syudad Ramisis mò gónóhen gel semtifun ken yó kem tau Faro bè Idyip.

Kehewà 12:37

Lenwót le bè yó mógów yó kem tau Israél bè syudad Ramisis efet le kól bè benwu Sukut. Yó kwen kem logi botong nem latu libuhen, là gomong nsó le kul kem libun ne kem ngà.

Kun Snulat Jan 10:10

Bong yó dum tau mnagaw, yó se kun gel nógów na a mnagaw, na a hmatay, ne na a gemlà. Okóm yó dou nógów, naw e benlay yu klowil, yóm klowil hol tahu gsengel nawa ye du.

Kun Snulat Jan 10:28

Angat benlayu lu klowil laen dù sónen, là kô le na a matay. Ne laen se kô dù gembek semkot kul lem hólólu.

Kun Snulat Jan 14:2

Bè benwu Mà, tey dê gónô nô. Yó nógówu etu naw e hemtifes bélê ye gónó ye angat nô. Là kô tulónu du kuy nim ni ke là tahuhen.

Kun Snulat Jan 14:23

Bnalà Jisas, monen, “Yó se tau kembong nawa dou, nimónen yóm dou tolok. Tey angat kbong nawa Mà du snéen kun, ne angat me tódô setnù béléen lewu me Mà.

Kun Snulat Jan 17:2

Deng hkamalem yóm Ngaem yóm kdéen tau talak tonok anì wen klowil laen dù sónen blayen bè yóm kdéen tau deng blayem du.

Kun Snulat Jan 17:24

Ni kem tau deng blayem dou ni, Mà, yó hol kóyóu ke nô le béléu bè yóm dou gónó angat nô. Kóyóu ke hol ton le yóm kegeta deng tehe blayem do lemwót bè yóm tey kbong nawahem do gu laanen là deng wen benwu he.