Tekang Kbuten 46:7 - Udél Dwata: Gna Kesfasad ne Lomi Kesfasad

⁷ yó kem ngaen logi ne yó kem ngaen libun ne yó kem téméen. Là gomongen bè nili yóm bérs 8 kól bè bérs 25. Hono boluy yó kem fes lówó Jakub bè yóm kili le ebè Idyip.

Tekang Kbuten 46:7 Iomraidhean Croise

Tekang Kbuten 34:7

Timbow gungol le nim gfà Dina ni, ya tey sidek kegbeng lem le ne tey kebut le lemwót bè yóm nmò Sékém bè yóm libun le, abay se yóm nmò Sékém yó, henyaken yó kem fes lówó Jakub mlan bè yóm kmoen du yóm alì sidek bélê le.

Tekang Kbuten 46:6

Gotu nwit le yó kem ógóf le ne yó kem kimu tehe gwa le bè Kanan, mógów le etu bè Idyip. Gotu nwit Jakub lu yó kem fes lówóhen,

Kem Lingón 105:23

Omin Jakub gdek bè Idyip yóm bnoluy le Israél, ne nô bè tonok Ham yóm benwu gónón milo.

Isaya 52:4

Bè yóm tehe kilo ye ebè Idyip, tódô lemwót bè kuy kóyô yóm knô ye bè yó. Bong bè yóm tehe kegef le kuy bè benwu Asirya, tódô lemwót bè kul kgis yóm kegef le kuy yó, laen se dù filak bli le kuy.

Lista 20:15

Deng tngónem snéen yóm tehe kógów le ebè Idyip yó kem tehe fù me ne tey kegenen yóm knô me ditu. Yó kem tau Idyip, tey khesek le yó kem tehe fù me dalang se mi kem ból le.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.

Juswa 24:4

ne mngà ke Isak duhen Jakub ne Iso. Yó tonok blayu ke Iso, duhen yó kem bulul lemnek bè Idom mò kun nfun. Okóm yóm kuy fù Jakub ne yó kem ngaen, fen le mógów ebè Idyip.