Tekang Kbuten 46:3 - Udél Dwata: Gna Kesfasad ne Lomi Kesfasad

³ Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Tekang Kbuten 46:3 Iomraidhean Croise

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

Tekang Kbuten 18:18

Blaem yó kem angat lugoden, baling le sotu but tau alì mbegel kbenwu le ne angat mlan béléen gónóhu tmóbóng yóm kdê kay but tau talak tonok.

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 35:11

Ne yó mon Dwata mò du, “Ou se yóm Dwata laen dù là gbeken du. Holi mból anì baling ye sotu but benwu alì mbegel efet dê dumu but tau ne wen kem tau hol geta semfu gu béléem.

Tekang Kbuten 47:27

Deng le tódô menwu bè Gusén ne yó kem tau Israél, yóm benwu snakuf Idyip. Deng tey wen kendengen le bè yó ne deng tey kból le.

Tekang Kbuten 48:16

Yó hem hógów Dwata tehe gel lemwà dou bè yó kem gónón mgel hol tmóbóng kul. Hol mlan bè ni kem ngà ni gónóhen là lana yóm dou boluy ne boluy yóm téméu Abraham ne mau Isak. Dwata he hol hwen yó kem ngà le ne yó kem angat ból le.”

Tekang Kbuten 48:19

Okóm mom mon maen mò du, “Tngónu, Ngà, deng tngónu se yó. Angat tey mbegel snéen kun yóm kun ból Manasi okóm milud he kbegelen yóm twolihen. Yó kem angat semfu gu béléen baling le kem but tau alì mbegel.”

Kehewà 1:12

Okóm balù yóm alì kehlayam le kul yó kem tau Idyip, mom temnù kwen le yó kem tau Israél ne ninuten lamang yóm gónó le nô bè yóm benwu yó. Ne deng mom bud temnù klikò le kul yó kem tau Idyip.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Jirimaya 40:9

Yó tulón Gidalaya kul, hyu ke heglaan le bè yóm tau hol geta kmamal bè Babilun, monen mò kul, “Henek ye bè ni ne nimón ye yóm tau hol geta bè Babilun anì hyu kógów klowil ye.

Kul Nmò 27:24

Yó monen mò dou, monen, ‘Béi hlikò, Pol, nam na gemdà bè solu Sisar he. Lemwót bè yóm kkodu Dwata kóm, tódô gomong mowil béléem yó kem dumuhem nô lem kafal ni.’

Kul Nmò 7:17

Bè yóm deng klonihen bè yóm kdaw kehto yóm tehe fasad Dwata ke Abraham bè yóm kehewaen kul gu bè Idyip,” mon Stéfén, “deng le tey wen ne yó kem tehe fù tekuy yó.

Dwata 10:22

Bè yóm tehe kógów le ebè Idyip yó kem tehe fù ye ekni, tek le hitu folò kwen le. Okóm ni tey kehból Dwata kuy, lómó kwen ye lómón yó kem tey blotik bè longit.” Là gomongen bè nili yóm tsaptér 11. Yó tulónen bè nim tsaptér ni yóm tey kubug Musis yó kem tau Israél anì hol nimón le Dwata. Tulón Musis kul yóm tey któbóng Dwata kul ke mimón le, okóm tey ktafaken kul yó kem tau là mimón du. Bud tulón Musis kul snéen yóm tey kehyuhen yóm tonok deng blay Dwata kul.

Dwata 26:5

Ne bè yó bè solu Dwata, yó udélem monem, ‘Yóm tehe fuu, tau Aramiyan se kun laen dù mdengen gónón nô. Tehe nwiten yó kem fes lówóhen ebè Idyip ne ditu gónó le nô. Bè yóm tehe kógów le yó, là kô le wen okóm deng tey kból le bè yó bè Idyip ne baling sotu but benwu alì mbegel.