Tekang Kbuten 46:29 - Udél Dwata: Gna Kesfasad ne Lomi Kesfasad

²⁹ lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

Tekang Kbuten 46:29 Iomraidhean Croise

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

Tekang Kbuten 41:43

Ominen hsakay du bè yóm klisa gónón gel smakay yóm tau hol smugung béléen ne hyu wen kem sendalù genlal tukô gna du, bede mensag le, mon le, “Gnawang ye lanen dé. Gnawang ye lanen dé.” Yó se kmoen yóm kehbaling Faro ke Jusif gubérnor bè klamangen Idyip.

Tekang Kbuten 43:30

Bè yóm kmonen du yóm yó, tódô kendel lemwót abay se là gehbalahen du yóm kkiken, bà mon tey sidek klayuk nawan yóm twolihen. Yó gónón tódô husek elem dfélen ne ditu gónón mkik.

Tekang Kbuten 45:19

Tulónem kul snéen mit le klitun gu bè ni bè Idyip mò gónó le smakay yó kem yehen le ne kem ngà le lemnek, sélétem mon yóm mà le.

Tekang Kbuten 45:2

Tódô hebtù Jusif dlumuhen, botong gungol yó kem tau Idyip ngangen efet tulón le ditu bè gónô bong yóm Faro.

Tekang Kbuten 45:21

Tahu se, nimón yó kem ngà Jakub yóm monen yó. Henwit Jusif lu klitun ne bnotu mò ken le bè yóm kógów le, lómón yóm deng mon Faro mò du.

Tekang Kbuten 46:30

Omin Jakub mon du mò ke Jusif, “Bang katayu ne ni, deng tonu se uu tolo mowil.”

Tekang Kbuten 50:9

Wen se kem dumu tau Idyip smakay klisa ne wen se smakay kudà, gotu le mung ke Jusif bè yóm kebengen ke maen yó. Tey tau wen mung du.

Kun Snulat Luk 15:20

Tahu se, lemwót yóm ngà tehe htabag yó, ne mulék ebè maen. Bè yóm hanà tolo klayuken bè gónô le, maen gna mton du. Ya tey kkoduhen du. Ominen tódô mlóy nan e senlong lenkef yóm ngaen, lelen melek du.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.