Tekang Kbuten 46:2 - Udél Dwata: Gna Kesfasad ne Lomi Kesfasad

² Timbow kifu bè yó, mudél ebè Jakub Dwata, monen, “Ó Jakub, Jakub.” Mon Jakub se, “Hó. Ni ou.”

Tekang Kbuten 46:2 Iomraidhean Croise

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Tekang Kbuten 15:13

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 22:1

Kogolen bè yó, tnilów Dwata Abraham ke tahu yóm kimónen du, tnabahen, monen, “Ó Abraham.” Mon Abraham se, “Hó. Ni ou.”

Tekang Kbuten 22:11

sen-gengen se wen hógów Dwata tmaba ebéléen gu bè longit, monen, “Ó Abraham, Abraham.” Mon Abraham se, “Hó. Ni ou.”

Tekang Kbuten 31:11

Bè yóm knahu yó, wen hógów Dwata gu bè longit mudél ebéléu, monen, ‘Ó Jakub.’ Monu se, ‘Hó. Ni ou.’

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.

Job 4:13

Yó kmoen, wen tonu bè yóm sotu kifu yóm igò le tungô yó kem dumu tau.

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Sikaraya 1:8

Bè yóm kifu yó, wen hton Dwata do. Tonu yóm tau smakay kudà hulô, mdà lem blóng yó kem koyu mirtol bè yóm ngà datal. Ne wen kudà hulô ne kudà bulow ne kudà bukay tonu, bede hono wen smakay kul sentu yóm tau.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Lista 24:4

ne mdengen klinguhen mungol du yóm udél Dwata. Bè yóm igou teneng temngel tódô wen hton Dwata do, yóm Dwata alì gembek. Tódóe mugod bè yóm igou tolo temngel.

Kul Nmò 10:13

Ne wen yóm gungol Pitér, monen, “Ni Pitér, nam e hmatay mò utónem.”

Kul Nmò 10:3

Sotu kdaw bè yó, deng dô tlu uras kimel, wen hógów Dwata gu bè longit tódô hegfan béléen, tey mdengen ktonen du. Mudél ebéléen yóm hógów Dwata yó, monen, “Ó Kurnilyus.”

Kul Nmò 16:9

Bè yóm kifu yó, wen hegfan Dwata bè Pol bè knahen, yóm sotu tau lemwót bè prubinsya Masdunya. Yó henkoduhen bè Pol, monen, “Holi mifal kum edini bè Masdunya nam e tnóbóng mi.”

Kul Nmò 9:10

Wen sotu tau hemtahu bè Jisas nô bè yó bè Damaskus boluyen Ananiyas. Wen tódô hton Jisas du, ne monen mò du, “Ó Ananiyas.” Bnalà Ananiyas se, monen, “Ni ou, Jisas.”

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Kmukum 7:2

Yó mon Dwata mò ke Gidyun, yóm sana kul Dwata hol gónó mogot, “Tey alì gedlug kwen le yó kem tauhem mò mit sgida bè yó kem tau Midyan. Ke hlusu lu sgida yóm kdê le ne ke deng hegmou lu déke mom le heklabak, ofo kul ke lemwót bè kul kgis yóm kegmò le.

Kmukum 7:9

Bè yóm kifu yó, dók Dwata Gidyun, monen, “Btiki, nundugem yóm kamfù yó kem tau Midyan. Angat blayu lu elem hólólem.

1 Samwél 3:10

Bud sut Dwata, bud tmaba lómón yóm gnan, monen, “Ó Samwél, Samwél.” Bnalà Samwél se, monen, “Yó ne, Dwata, mudéli. Hnungolen uu yóm tóbóng lówóhem.”

1 Samwél 3:4

Omin Dwata tmaba ke Samwél, monen, “Ó Samwél, ó Samwél.” Bnalà Samwél se, monen, “Boluyen de?”