Tekang Kbuten 45:7 - Udél Dwata: Gna Kesfasad ne Lomi Kesfasad

⁷ Dwata se eles hegna dou edini anì wen lanu tmóbóng kuy anì là matay ye bè nim tey bitil bong ni. Deng kun kmò du Dwata nim ni anì mowil ye dalang se yó kem semfu gu bélê ye.

Tekang Kbuten 45:7 Iomraidhean Croise

Tekang Kbuten 45:5

Bê ye abay hesbeweg kehedem ye ne bê ye abay nsel knô ye bè yóm kehbalù ye dou edini. Kaem Dwata se yóm eles htukô dou gna kuy edini anì là matay ye.

Tekang Kbuten 47:12

Tendo wen ken gel blay Jusif ke maen ne yó kem dumuhen setwoli ne yó kem dumu fes lówó le efet kól bè yóm hol són imot bélê le.

Tekang Kbuten 50:20

Balù yóm tô kóyô ye hemsidek dou yóm kdaw tu okóm bè kun kehlan du Dwata hyu, anì là matay kdéen tau mowil nim kmoen ni.

1 Tutul Israél 11:14

Okóm ke Ilisar lewu le Dabid, tódô le mdà talak yóm tonok gónó mulu barli yó, gotu hnatay le yó kem Flistin. Hewà Dwata lu bè yóm kdaw yó hlanen bè yóm tey kehegmoen kul.

Kem Lingón 18:50

Deng dê dulékem ne hegmò dou, yóm tau hol geta deng nélékem. Ne tendo hegfanem béléu yóm là konolen yóm kbong nawam dou. Laen dù tul sónen yóm kbong nawahem dou efet kól bè yó kem lugodu.

Kem Lingón 44:4

Uu se yóm Hol Geta, ne uu se dou Dwata. Deng oluhem eta me kem sfu Jakub yóm kegmò me.

Kul Nmò 7:35

Nim Musis ni,” mon Stéfén, “ni se yóm tau tehe kenbê le, tehe mon le mò du, ‘Ilóu uu kô yóm gónó me kmulu? Ilóem uu kô mogot kukum lem blóng me?’ Anì monem du se yóm hógów Dwata mò mogot kul yó kem tauhen, ne mò lemwà kul. Yó tmóbóng du, duhen yóm hógów Dwata gu bè longit hlingu bè dilóf ofi bè yóm ngà koyu lefungu.

Kmukum 15:18

Tódô gefet bè Samsun yóm tey sidek kleengen, ominen tmaba ebè Dwata, monen, “Ó Dwata, deng tey kehegmoem do, okóm ni denge tô matay lemwót bè ksidek kleengu ne angat kenfô le o ni kem Flistin là temngón kóm nii.”