Tekang Kbuten 45:4 - Udél Dwata: Gna Kesfasad ne Lomi Kesfasad

⁴ Omin Jusif bud mon du mò kul, “Yake hloni ye edini dé.” Tahu se, hloni le. Ne monen mò kul, “Ou se Jusif, yóm twoli ye tehe hbalù ye edini bè Idyip.

Tekang Kbuten 45:4 Iomraidhean Croise

Tekang Kbuten 37:28

Ne timbow le kól bè yó, yó kem tau gel mit udél swa yó koni, lemwót yó kem twogu Jusif senkteng le Jusif gu lem yóm kokol nelem ne hbalù le bè yó kem tau mit udél swa bè lewu folò botù blówón bukay. Lemwót se kul yó kem tau mit udél swa yó, hlós nit le Jusif ebè Idyip.

Tekang Kbuten 50:18

Omin le yó gotu mógów ebéléen yó kem twoguhen, tódô le gotu hegdufok bè soluhen, ne yó mon le mò du, “Ni mi mò hesekem.”

Matyu 14:27

Omin Jisas kendel mudél ebélê le, monen, “Hgel ye nawa ye dé. Ou ni. Bê ye abay hlikò.”

Kul Nmò 7:9

Okóm,” mon Stéfén, “yó kem tau setwoli yó, deng mom mélés nawa le yóm twoli bélê le boluyen Jusif, tódô glef le hembalù du mò hesek ditu bè Idyip. Okóm tendo eles mung du Dwata,

Kul Nmò 9:5

Mon Sol se, “Tmau kóm de, Sér?” Monen se, “Ou se Jisas, yóm tendo hnayamem.