Tekang Kbuten 45:3 - Udél Dwata: Gna Kesfasad ne Lomi Kesfasad

³ Omin Jusif mudél ebè yó kem dumuhen setwoli, monen, “Ou se Jusif. Tolo mowil he kô mà?” Okóm bè yóm kungol le du yó kem twoguhen yóm monen yó ya tey sidek klikò le, là kô gbalà le du yóm snólóken yó.

Tekang Kbuten 45:3 Iomraidhean Croise

Tekang Kbuten 37:20

Yó ne hnatay tekuy, omin kuy mbot du elem tum sotu kokol nelem deng kti. Omin tekuy mon du deng nsék ógóf lóbô lem bnes. Hnénég te kun ke tahu yóm gel knahen.”

Tekang Kbuten 42:21

Ne yó nmò le, stulón le, mon le, “Ni se deng kton kuy du ulék yóm tehe nmò kuy bè yóm twoli tekuy. Igò tekuy se mton du yóm tey ksidek kegnómen du ne yóm tey kehkoduhen bélê tekuy anì wen tmóbóng du, okóm là dog kenmón tekuy du. Ni se gónó kuy gemfà du nim ni.”

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

Tekang Kbuten 43:27

Ne snólók Jusif bélê le yóm kul kmò klowil ne monen mò kul, “Deng tehe tulón ye dou yóm deng tey ktuha mà ye. Deng kmoen se kun du ni kmoen ni? Tolo mowil he kô ne hyu klówóhen?”

Job 4:5

Okóm ni, na a uu wen gbunuen, tódói hmung là gbekem mbô du.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Mark 6:50

abay se tódô kdê le mton du, ne tey sidek klikò le. Tódô kendel mudél ebélê le se Jisas, monen, “Hgel ye nawa ye dé, ou ni. Bê ye hlikò.”

Kun Snulat Luk 5:8

Bè yóm kton Simun Pitér du yóm yó, botong tódô na a mtud bukol bè solu Jisas, yó monen, “Béi hloni ebéléu, Sér, yakà tauhe gemsalà.”

Kul Nmò 7:13

Bè yóm gewu le dulék mógów, hdilô Jusif bè yó kem twoguhen. Ne yó he ketngónen du yóm tau hol geta bè Idyip yó kem fes lówó Jusif.

Kul Nmò 9:5

Mon Sol se, “Tmau kóm de, Sér?” Monen se, “Ou se Jisas, yóm tendo hnayamem.

Deng Hegfan 1:7

Ngem yóm Jisas Krays, angat bud kól mung bè lobun. Tódô kdéen tau angat gotu mton du. Ne gotu ton yó kem tau tehe tembek du ekni. Tódô kdéen kay tau talak tonok, angat le gotu dmumu mkik bè yóm kkólen yó, knikò le yóm kkukumen kul.