Tekang Kbuten 45:2 - Udél Dwata: Gna Kesfasad ne Lomi Kesfasad

² Tódô hebtù Jusif dlumuhen, botong gungol yó kem tau Idyip ngangen efet tulón le ditu bè gónô bong yóm Faro.

Tekang Kbuten 45:2 Iomraidhean Croise

Tekang Kbuten 42:24

Tódô tnagak Jusif lu nan e mkik tek sotuhen. Deng kkiken, ominen bud mulék ebélê le ne néléken Simyun mò tebel ne hféten lem blóng le.

Tekang Kbuten 43:30

Bè yóm kmonen du yóm yó, tódô kendel lemwót abay se là gehbalahen du yóm kkiken, bà mon tey sidek klayuk nawan yóm twolihen. Yó gónón tódô husek elem dfélen ne ditu gónón mkik.

Tekang Kbuten 45:14

Omin Jusif lemagaf mkik ke Bindyamin. Bud mkik se ke Bindyamin kun bè yóm igoen lemkef du.

Tekang Kbuten 45:15

Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

Tekang Kbuten 46:29

lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

2 Bok Kem Tau Hol Geta 20:3

monen, “Ó Dwata, hol hentulónem nawa yóm klawihu mowil, lemwót lem but blututu yóm klolou kóm ne yóm kmou du yó kem gónóm hligal.” Ne tódô btù dlumu Hisikaya.

Sikaraya 12:10

Ne suu bè yó kem sfu Dabid ne bè yóm kdéen dumu tau bè Jirusalim yóm nawa kmodu ne yóm óyô mni bè Dwata. Angat le temngel ebéléu, yóm deng tehe tenbek le ne tey sidek klangag le, lómón klangag yóm tuha ke deng matay yóm tek sotu ngà le logi, duhen ke matay yóm ngà le logi twogu.

Lista 14:1

Timbow deng gungol yó kem tau Israél yóm tulón yó kem tau hemkana, tódô suloy le buteng dmumu mkik bè yóm alì ksidek ktafa nawa le.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Rut 1:9

Dwata he hol tmóbóng kuy mebel yóm angat bud yehen ye anì wen gónó ye henek nô.” Omin Numi sket melek kul, okóm deng le mom mkik yó kem towuhen,