Tekang Kbuten 45:15 - Udél Dwata: Gna Kesfasad ne Lomi Kesfasad

¹⁵ Omin Jusif sket lemkef ne melek yó kem twoguhen bè yóm igoen mkik. Kogol yóm keskik le, omin le mbut stulón du yó kem twoguhen.

Tekang Kbuten 45:15 Iomraidhean Croise

Tekang Kbuten 29:11

Ominen melek ke Rakél, botong mkik bè yóm tey kligalen.

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

Tekang Kbuten 33:4

Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

Tekang Kbuten 42:24

Tódô tnagak Jusif lu nan e mkik tek sotuhen. Deng kkiken, ominen bud mulék ebélê le ne néléken Simyun mò tebel ne hféten lem blóng le.

Tekang Kbuten 45:14

Omin Jusif lemagaf mkik ke Bindyamin. Bud mkik se ke Bindyamin kun bè yóm igoen lemkef du.

Tekang Kbuten 45:16

Timbow gefet ditu bè gónô bong yóm Faro yóm ksut yó kem dumuhen setwoli Jusif, ya tey kehligal Faro ne yó kem genlalen.

Tekang Kbuten 45:2

Tódô hebtù Jusif dlumuhen, botong gungol yó kem tau Idyip ngangen efet tulón le ditu bè gónô bong yóm Faro.

Tekang Kbuten 46:29

lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

2 Samwél 14:33

Tahu se, tulón Juab yóm tau hol geta yóm udél Absalum. Omin Dabid htaba ke Absalum. Bè yóm kkól Absalum bè yó, tódô hegdufok ebè tonok, botong keheglaanen bè yóm tau hol geta. Botong nelek Dabid Absalum.

Kem Lingón 77:4

Là hegtungóem dou, Dwata, tey sbeweg kegnómu du, botong là gbeku du bud mni ebéléem.

Kehewà 4:27

Bè yóm tolo knô le bè lan yó, deng eles stulón ke Aron Dwata, monen mò du, “Senlongem Musis bè yóm benwu laen hol wen tauhen.” Tahu se, senlongen bè yóm bulul Dwata. Bè yóm ktonen du tey kligalen, botong neleken.

Kun Snulat Luk 15:20

Tahu se, lemwót yóm ngà tehe htabag yó, ne mulék ebè maen. Bè yóm hanà tolo klayuken bè gónô le, maen gna mton du. Ya tey kkoduhen du. Ominen tódô mlóy nan e senlong lenkef yóm ngaen, lelen melek du.

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Rut 1:14

Omin le bud skik. Omin Urpa lemkef melek ke tuónen ne lemwót mulék. Okóm yó dum ke Rut kun, là kô kóhen du yóm kekefen ke tuónen.

Rut 1:9

Dwata he hol tmóbóng kuy mebel yóm angat bud yehen ye anì wen gónó ye henek nô.” Omin Numi sket melek kul, okóm deng le mom mkik yó kem towuhen,

1 Samwél 10:1

Omin Samwél ma yóm ngà sobuy gónón nô hnolo ulib ne twélen ta kulu Sol, henmung neleken ne monen, “Yó gónów mò du béléem nim ni abay se deng nélék Dwata uu mò malak yó kem tauhen Israél. Uu se mò lemwà kul lem tdok yó kem hohon le menwu hmilol kul. Wen ilô tonem kedeng mò gónóm temngón du yóm deng kélék Dwata kóm mò malak yó kem tauhen.

1 Samwél 20:41

Timbow deng lemwót yóm ngà, omin Dabid hewà gu bè yóm gónón hebnos moni bè yóm botu luduk. Botong tlu dulék Dabid mtud kuluhen bè tonok bè solu Junatan bè yóm tey kadaten du. Bè yóm keskef le senged kul mkik ne ya tey dlumu Dabid. Omin le yó skó.