Tekang Kbuten 44:30 - Udél Dwata: Gna Kesfasad ne Lomi Kesfasad

^30-31 Duhen ni, Sér,” mon Juda, “ke semfuléke ebè mà ne là mungen dou yóm twolihu, ke ton mà yóm là kmungen dou tódô mugod matay dilóu. Yóm kun klowil mà hol mogot bè kun klowil yóm ngaen yó. Ke wen gónó me hlangag du bè yóm tey ktuhahen, tódô hatayen dilóu.

Tekang Kbuten 44:30 Iomraidhean Croise

Tekang Kbuten 44:17

Mon Jusif se, “Bê. Là kô nmou du dou yóm yó. Olon yóm tau ma yóm tegayanu mò heseku. Gotu ye mulék ebè mà ye kuy, laen kô dù hemen ye.”

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 44:22

Ne yó balà me kóm, mon me, ‘Là kô gtagaken ke mà. Ke gtagaken, tódô matay dilóu mà.’

Tekang Kbuten 44:34

Là gbeku du mulék ebè mà ke là mungen dou yóm twoli me. Là gbeku mton du ke wen gfà mà.”

2 Samwél 18:33

Tódô gleket bè yóm tau hol geta yóm ksidek kegnómen du, tódô mógów elem yóm dfél nô ta yóm bak tikeb yóm syudad, ne hebtuen dlumuhen. Yó udélen, monen, “Ngau Absalum, Absalum, Absalum. Yake ou dé matay, béen uu Absalum, ngau.”

1 Samwél 18:1

Timbow deng kestulón le Dabid Sol, omin le ston Junatan, yóm ngà Sol logi ne tódô le kendel sfulung yóm lewu le ne tey tilob keswè le.

1 Samwél 25:29

Baluen ke senktes hnatay le uu yó kem hohonem, tey kofinen kóm yóm sana kóm Dwata hol gónó mogot, lómón kesegyok tau yóm kimu alì mebtes alì legenen. Okóm yóm kul klowil yó kem hohonem, angat tódô lana lómón tódô klana yóm botu ke ubat bè hasut.