Tekang Kbuten 44:2 - Udél Dwata: Gna Kesfasad ne Lomi Kesfasad

² Lemwót yóm tegayan blówón bukayu, suem bè bak sakù yóm twoli bélê le ne bud homong suem du yóm filak tô kun bli ken.” Tahu se, tódô nmò yóm tau snalig Jusif yóm hmoen du yó.

Tekang Kbuten 44:2 Iomraidhean Croise

Tekang Kbuten 42:20

Omin ye mit du ebéléu yóm són twoli bélê ye mò ilóu du ke tahu yóm deng tulón ye dou. Ke tahu, là kô hnatayu kuy.” Tahu se, móyô le.

Tekang Kbuten 42:25

Gu laan le là deng lemwót mulék yó kem twogu Jusif, wen tau dóken. Yó hmoen du, gotu hennok nlemen halay yó kem sakù yó kem twoguhen ne bud huléken elem sakù le yó kem filak tô bli le ne wen hebnotuhen kul mò ken le bè lan. Tahu se, tódô nmò yóm tau dók Jusif yóm hmoen du yó.

Tekang Kbuten 43:32

Henken le bè sotu lemisa kun ke Jusif ne fen tólóng lemisa gónó le hemken yó kem twoguhen. Yó kem tau Idyip gel mken bè yó, bud tólóng lemisa se kul gónó mken abay se bè kul adat kenhisik le ke slomong le mken bè yó kem tau Hibru.

Tekang Kbuten 44:1

Kogolen bè yó, yó udél Jusif ebè yóm tau gel snaligen bè gónóen, monen, “Gotu hennokem halay yó kem sakù le yó kem tau yó, yó se kbong gbek nwit le blayem kul ne gotu bud sù ye lu lem sakù le yó kem filak le.

Tekang Kbuten 44:12

Omin yóm dók Jusif hemganag mebel lem sakù le, nbuten bè kun sakù yóm twogu efet kól bè kun sakù yóm hol twoli ne tonen bè kun sakù Bindyamin yóm tegayan hnebelen.

Tekang Kbuten 44:3

Hol hlafus bè yó hewót le lu yó kem tau setwoli, ne yó kem kudà asnu le.

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

2 Kurin 8:8

Sundu mon dé ke dóku yu bemlay. Okóm yó dé gónóhu tmulón du kuy yóm kul kegduf bemlay yó kem dumu tau anì wen lan ye hegfan du se kuy ke tahu duhen yóm kuy kbong nawa.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.