Tekang Kbuten 44:18 - Udél Dwata: Gna Kesfasad ne Lomi Kesfasad

¹⁸ Omin Juda hloni ebè Jusif ne monen mò du, “Ó Sér, ke yóm hyu béléem, wen tô tulónu kóm. Ne béem abay lenbut ou abay se yóm uu hol lómón se yóm Faro wen kfasangen hmatay tau.

Tekang Kbuten 44:18 Iomraidhean Croise

Tekang Kbuten 18:30

Bud mon Abraham, “Hol béi lembut kut, Dwata, ke bud wen snólóku. Kmoen se ke tek tlu folò tau tedeng nmò le?” Mon Dwata se, “Ke wen tonu tlu folò tau tedeng nmò le, là kô genlau du.”

Tekang Kbuten 18:32

Bud mon Abraham, “Hol béi lembut dou, Dwata, olohu bud smólók sulék ne. Kmoen se ke olo tek sfolò tau tonem tedeng nmoen?” Mon Dwata se, “Ke wen sfolò tau tonu tedeng nmoen, là kô genlau du.”

Tekang Kbuten 37:6

Yó kna tulónen kul, monen, “Ngem, wen knahu.

Tekang Kbuten 37:7

Knahu gotu benkes tekuy yó kem halay deng kut gnalab bè uma kun. Okóm yóm dou halay benkes, tódô mdà ne fen kudung gu hilolen yó kem kuy halay benkes.”

Tekang Kbuten 37:8

Omin le mon du mò ke Jusif yó kem twoguhen, “Ofo kóm kô ke uu geta bélê me mò mogot kum?” Ne mom milud kutó nawa le ke Jusif lemwót bè yóm knahen yó ne bè yóm gel ktifuen kul.

Tekang Kbuten 41:40

Nmou uu mò snaligu bè klamang nim benwu nogotu. Ne kdê yó kem tauhu, gotu nimón le uu ke wen hloloem kul. Yóm glal blayu kóm ni, hol smugung béléu.

Tekang Kbuten 41:44

Yó bud monen mò ke Jusif yóm Faro, “Ou se yóm Faro. Okóm nbuten ni, laen dù nmò yó kem tau bè klamangen Idyip ke là mlanen béléem.”

Tekang Kbuten 44:17

Mon Jusif se, “Bê. Là kô nmou du dou yóm yó. Olon yóm tau ma yóm tegayanu mò heseku. Gotu ye mulék ebè mà ye kuy, laen kô dù hemen ye.”

2 Samwél 14:12

Yó bud mon yóm libun, “Wen he sotu bud hnihu béléem.” Mon yóm tau hol geta se, “Boluyen de?”

Istér 1:12

Okóm timbow tulón yó kem tau dók Sérksis ke Boi Basti yóm tinok yóm tau hol geta yó, mom là kóen dog móyô mógów. Ne ya tey sidek kebut Sérksis.

Job 33:31

Ne ni, Job, hol hnungolem nim monu. Béi abay mudél hol hnungolem ou.

Kem Lingón 79:5

Ó Dwata, kegenen de yóm kebutem kum? Laen dù tul sónen ne kô? Yóm kélés nawam, kegenen de kkalen lómón kal ofi?

Kehewà 32:22

Mon Aron se, “Béem tô lenbut ou, deng tngónem se yóm hónô kmò le sidek ni kem tau ni.

Kem Udél Hlalak Tehe Selumun 19:12

Yóm klikò tau du yóm alì ksidek kebut yóm tau hol geta hol lómón klikoen du yóm ngel yóm gel mon le liyun. Okóm yóm kun kehyu nawa ebéléen yóm tau hol geta lómón kehyuhen bè bnes yóm amù.

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Danyél 5:19

Tey kehegeta Dwata du, gotu le likò du yóm kdéen tau bè klamangen benwu, balù kihu gónó le gu semfu, balù kihu benwu gónó le gu lemwót, ne balù kihu kay udél le. Botong setbol kkel le bè soluhen. Gbeken hmatay du kihu nóyô hnatayen ne gbeken se hlowil du kihu nóyô hlowilen. Gbeken se hegeta du yóm sotu tau nóyô hegetahen ne gbeken se mnok du elaan yóm sotu tau nóyô nnoken elaan.

Kun Snulat Jan 5:22

Sotuhen, là kô Mà du yóm angat kmukum kem tau. Okóm deng sigangen ta yóm Ngaen ne yóm angat kkukumen kdéen tau,

Kul Nmò 2:29

Bud mon Pitér, monen, “Ó kem dumuhu setwoli, wen tulónu kuy gbak ebè yóm tehe fù tekuy Dabid, yóm tehe tau hol geta alì tótól bélê tekuy. Deng tehe matay se kun ne deng lebeng le. Balù ni hem kmoen ni, gbek tekuy hménég du yóm tehe gónó le lembeng du.