Tekang Kbuten 44:16 - Udél Dwata: Gna Kesfasad ne Lomi Kesfasad

¹⁶ Omin Juda mudél, monen, “Laen kô dù bang kmon me du, Sér. Laen kô dù sabà me kóm. Tedu se tô kmò kehton me du kóm yóm ktahuhen? Deng hegfan Dwata yóm tehe salà me. Là sónen du yóm tau gónóm mton yóm tegayan baling hesek béléem, tódô kdê me ne.”

Tekang Kbuten 44:16 Iomraidhean Croise

Tekang Kbuten 37:7

Knahu gotu benkes tekuy yó kem halay deng kut gnalab bè uma kun. Okóm yóm dou halay benkes, tódô mdà ne fen kudung gu hilolen yó kem kuy halay benkes.”

Tekang Kbuten 37:9

Sotu kifu bè yó, bud kemna Jusif ne bud tulónen yó kem twoguhen, monen, “Wen bud knahu. Tonu kdaw ne bulón ne sfolò sotu blotik, gotu le kóem hegdufok ebéléu.”

Tekang Kbuten 44:17

Mon Jusif se, “Bê. Là kô nmou du dou yóm yó. Olon yóm tau ma yóm tegayanu mò heseku. Gotu ye mulék ebè mà ye kuy, laen kô dù hemen ye.”

Tekang Kbuten 44:32

Lelen yó he,” mon Juda, “deng blayu klowilu bè yóm twolihu ni. Deng monu mò ke mà, ‘Ke là nwitu du mulék ebéléem yóm twolihu, ou dnuónem.’

Tekang Kbuten 44:9

Na, Sér, ke wen bélê me gónóm mton du yóm hnebelem yó, tódô hatay tafakem du ne yóm dù tebel bélê me tódô henbalingem mò hesek yóm gónóhem mogot.”

1 Bok Kem Tau Hol Geta 17:18

Ominen mon du mò ke Ilaydya yóm libun bolu, “Ó tau Dwata, tedu nmoem béléu ni? Yó kô nógówem edini anì tnafakem o bè yó kem salau, hlanem bè katay yóm ngau?”

Kem Udél Hlalak Tehe Selumun 17:15

Yóm tau bnoluyen tedeng yóm sidek ne yóm tau hensalaen yóm tau tedeng kmoen tódô senged yóm tey keklit Dwata kul.

Kem Udél Hlalak Tehe Selumun 28:17

Yóm tau deng monok són moen metem efet katayen, béen wen tmóbóng du.

Isaya 5:3

Yó udél yóm weu, monen, “Yu kem tau menwu bè Jirusalim ne bè benwu Juda fen knukum ye do dé yó kem huluhu.

Danyél 9:7

Ó Dwata, uu se yóm alì tedeng kmoen. Okóm ni, tey sidek kyak me béléem mi kem tau bè Juda ne kem tau bè Jirusalim ne kdéen tau Israél, hono tau deng gotu senklahem ebè yó kem benwu moni kkólen ebè yó kem benwu mayuk. Yó gónóm mlo kum lan me là hteneb béléem.

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Kun Snulat Luk 12:2

Bede kdéen gebnos deng nmò tau, angat gotu gfan. Duhen ke wen bunihen bè kem dumuhen, angat gotu bud tngón.

Kul Nmò 2:37

Timbow gungol yó kem tey tau sbung yóm udél Pitér yó, ya tey sidek ktafa nawa le, botong mon le mò ke Pitér ne ebè yó kem dumuhen gel hógów Jisas, mon le, “Ó kem dumu me setwoli, tedu se mò kmò me du?”

Juswa 7:1

Bè yóm tehe kegbà le yóm syudad Jiriku yó kem tau Israél, deng eles wen hlau Dwata kul yóm là kehyuhen ke wen nwa le bè yóm kimu deng hetfing le ebéléen. Okóm deng mom wen bélê le mulé du. Yó mulé du, yóm sotu tau bélê le boluyen Akan. Yóm Akan ngà Karmi ne témê Sabdi, tau lemwót bè ktol Sira ne lemwót bè kun ból Juda. Lemwót bè nim nmò Akan ni, gónón alì sidek kebut Dwata yó kem tau Israél.

Juswa 7:18

Gotu htaba Juswa lu ebéléen yó kem fes lówó Sabdi yó, ngangen ne mlan bè ket tau. Ne yó tendok Dwata duhen Akan yóm ngà Karmi témê Sabdi.