Tekang Kbuten 44:1 - Udél Dwata: Gna Kesfasad ne Lomi Kesfasad

¹ Kogolen bè yó, yó udél Jusif ebè yóm tau gel snaligen bè gónóen, monen, “Gotu hennokem halay yó kem sakù le yó kem tau yó, yó se kbong gbek nwit le blayem kul ne gotu bud sù ye lu lem sakù le yó kem filak le.

Tekang Kbuten 44:1 Iomraidhean Croise

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 42:25

Gu laan le là deng lemwót mulék yó kem twogu Jusif, wen tau dóken. Yó hmoen du, gotu hennok nlemen halay yó kem sakù yó kem twoguhen ne bud huléken elem sakù le yó kem filak tô bli le ne wen hebnotuhen kul mò ken le bè lan. Tahu se, tódô nmò yóm tau dók Jusif yóm hmoen du yó.

Tekang Kbuten 42:35

Timbow gotu kok le yó kem nô lem sakù le tey ketnga le yóm kdê le, gotu bud ton le yó kem filak tehe bli le. Bè yóm bud kton le du yó kem filak le yó, gotu le likò dalang se mà le.

Tekang Kbuten 43:16

Timbow ton Jusif deng mung kul Bindyamin, yó monen mò yóm tau gel dóken gel snaligen bè gónóen, “Nitem lu ebè gónô ni kem tau ni, mung le mken béléu kedeng kemdaw ni. Hétéi sotu ógóf mò utón me.”

Tekang Kbuten 43:19

Bè yóm kkól le bè bak dól yóm gónô, yó mon le bè yóm tau snalig Jusif,

Tekang Kbuten 43:2

Timbow deng gotu yóm halay tehe nwit le gu bè Idyip yó kem ngà Jakub, yó udél Jakub ebélê le, monen, “Bud ye semfulék kut ebè Idyip na ye e bemli kut mò ken tekuy.”

Tekang Kbuten 44:2

Lemwót yóm tegayan blówón bukayu, suem bè bak sakù yóm twoli bélê le ne bud homong suem du yóm filak tô kun bli ken.” Tahu se, tódô nmò yóm tau snalig Jusif yóm hmoen du yó.