Tekang Kbuten 43:8 - Udél Dwata: Gna Kesfasad ne Lomi Kesfasad

⁸ Yó bud mon Juda mò ke maen, “Hwitem dou ne yóm twoli me anì géhél me lemwót anì laen dù bélê tekuy matay lemnus, hol néen kem ngà tekuy.

Tekang Kbuten 43:8 Iomraidhean Croise

Tekang Kbuten 42:2

Deng gungolu wen ken bè Idyip. Mógów ye kut etu dé na ye e bemli ken anì là lemnus tekuy.”

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 44:26

Yó balà me du, mon me, ‘Là kô me mógów etu ne là se kô me hton bè yóm tau tu ke là mungen kum yóm twoli me. Són olo gónó me gógów ke mung kum yóm twoli me.’

Tekang Kbuten 45:19

Tulónem kul snéen mit le klitun gu bè ni bè Idyip mò gónó le smakay yó kem yehen le ne kem ngà le lemnek, sélétem mon yóm mà le.

Tekang Kbuten 50:21

Laen dù bang knikò ye du. Ou he fen tendo gel temdof kuy dini dalang se yó kem ngà ye.” Ominen yó he menek kegnóm le du yó kem twogu Jusif lemwót bè yóm udélen ebélê le yó.

Tekang Kbuten 50:8

Gotu le mung du snéen yó kem fes lówó Jusif ne kem dumuhen setwoli ne yó kem dumu fes lówó maen. Són là mungen, són yó kem ngà lemnek le ne kem ubiha le ne kem kambing le ne kem safì le, fen tebel le lu bè Gusén.

2 Bok Kem Tau Hol Geta 7:13

Yó mon yóm sotu bè yó kem genlalen, “Yake hógów tekuy limu tau kmudà mò hménég ditu gu hilol. Ke hnatay le lu ditu, laen dù gónón stólóng, abay se ke nô le bè ni, bud senged katay le snéen.”

2 Bok Kem Tau Hol Geta 7:4

Ke husek tekuy elem syudad tódô tekuy matay bè yó, bà mon yóm tey bitil bong lemen. Okóm ke tódô tekuy hlós myón bè ni, senged nóm, bud tekuy matay snéen. Mom hyu he ke tódô tekuy mógów ebè kamfù yó kem sendalù Aram, heglaan tekuy bélê le. Ke hlowil le tekuy, hyu, okóm ke hnatay le tekuy, kunen ne.”

Isra 8:21

Gu laan me là deng lemwót he, gotu sentifunu lu ditu bè Kanal Ahaba yóm kdéen tau mung do. Yó hmou kul, gotu me fasting yóm kdê me mò gónó me hegfan du yóm keheglaan me bè Dwata. Yó hni me béléen anì du tukô gna kum ne kenlungen mi anì laen dù hemen me bè lan dalang se yó kem ngà me ne yó kem tey nwit me.

Kem Lingón 118:17

Là kô na le e ghatay do yó kem hohonu, tódô sana klowilu, ne angat tulónu yóm deng nmò Dwata béléu.

Kehewà 20:12

Hol nadat ye mà ye ne yê ye anì tahà ktau ye ta yóm tonok blayu kuy.

Lista 14:31

Deng mon ye angat gotu negef kem hohon ye yó kem ngà ye okóm là. Angat gotu nwit Dwata lu etu bè tum benwu deng senkbê ye ne yó se hlós kul gónó nô.

Dwata 33:6

Yó udél Musis gbak ebè yó kem sfu Rubén, monen, “Balù yóm là kwen le yó kem sfu Rubén, hol tódô senflós le mból he anì là lanahen yóm kul boluy.”