Tekang Kbuten 43:7 - Udél Dwata: Gna Kesfasad ne Lomi Kesfasad

⁷ Yó balà le du yó kem ngaen, mon le, “Sónmoen hemsokol smólók kum se yóm tau tu, snólóken yó kem fes lówó me, monen, ‘Tolo mowil he kô mà ye? Wen he kô dumu twoli ye logi?’ Là gbek me du ke là bnalà me du yóm sólóken kum. Mò ketngón me du se ke hfangayen yóm twoli me?”

Tekang Kbuten 43:7 Iomraidhean Croise

Tekang Kbuten 42:11

Hono me setwoli nim kdê me, Sér. Là kô me tau hemkana ne là kô me tau mò kéng se kum.”

Tekang Kbuten 42:13

Yó bud mon le mò ke Jusif, mon le, “Là, Sér. Tehe me sfolò lewu yóm kdê me setwoli. Tek sotu mà me nô bè Kanan. Deng lana yóm sotu twoli me ne yóm són imot bélê me tebel bè mà.”

Tekang Kbuten 43:27

Ne snólók Jusif bélê le yóm kul kmò klowil ne monen mò kul, “Deng tehe tulón ye dou yóm deng tey ktuha mà ye. Deng kmoen se kun du ni kmoen ni? Tolo mowil he kô ne hyu klówóhen?”

Tekang Kbuten 43:3

Yó mon Juda mò ke maen, “Deng tehe hol monen mò kum yóm tau tehe gónó me bemli ken, hol bê me abay hton béléen ke là na me hol nwit du yóm twoli me.

Tekang Kbuten 43:6

Mon Jakub se, “Moen du ke alì hnayam ye ou, mom tulón ye yóm tau tu wen twoli ye?”

Tekang Kbuten 44:19

Tehe snólókem mi, Sér, monem, ‘Tolo wen mà ye kô, duhen ke wen dumu ye setwoli?’